មនុស្សរាប់រយនាក់បាត់ខ្លួននៅក្នុងស្រុក Gyirong ប្រទេសចិនក្រោយជួបគ្រោះទឹកជំនន់និងរអិលបាក់ដី! ក្នុងនោះមានជនជាតិឥណ្ឌា១៣៣ដែលបានឆ្លងកាត់មកធ្វើធម្មយាត្រាទៅកាន់ភ្នំ Kailash
ទីភ្នាក់ងារសារព័ត៌មានស៊ីនហួររបស់ប្រទេសចិនបាននិយាយនៅថ្ងៃព្រហស្បតិ៍នេះថា ហេតុការណ៍រអិលបាក់ដីនៅទីបេដែលបណ្តាលមកពីការបាក់ផ្ទាំងទឹកកកនៅតំបន់ភ្នំហិម៉ាឡៃបានបណ្តាលឱ្យមនុស្សបីនាក់ស្លាប់នៅប៉ែកខាងប្រទេសចិន និង ៥៥៨ នាក់បាត់ខ្លួន ខណៈដែលប៉ូលីសនៅក្នុងប្រទេសនេប៉ាល់បានរាយការណ៍ថា យ៉ាងហោចណាស់មានមនុស្ស ១៦២ នាក់បានស្លាប់ បន្ទាប់ពីទឹកជំនន់ដ៏ធំសម្បើមបោកសង្រ្គប់ក្នុងតំបន់ព្រំដែននៃប្រទេសនេប៉ាល់ និងចិនដោយឆ្លងកាត់សហគមន៍នានានាំយកផ្ទះនិងអគារហូរជាច្រើនខ្នងទៅជាមួយល្បាក់ភក់ផងដែរកាលពីល្ងាចម្សិលមិញ។ វីដេអូពីយន្តហោះគ្មានមនុស្សបើកបានបង្ហាញពីផ្លូវថ្នល់ត្រូវបំផ្លាញ និងអគារត្រូវបានកប់ដោយទឹកជំនន់មានពណ៌ដូចស៊ីម៉ង់ត៍ស្អិត។ ទីភ្នាក់ងារសារព័ត៌មានរដ្ឋស៊ីនហួរបានរាយការណ៍ពីចំនួនមនុស្សស្លាប់ និងរបួសយ៉ាងច្រើននាក់។ ទូរទស្សន៍រដ្ឋចិន CCTV បានរាយការណ៍ថា មនុស្សចំនួន២៦០នាក់ ក្នុងចំណោ មមនុស្ស៥៥៨នាក់ដែលបាត់ខ្លួនភាគច្រើននៅទីបេគឺជាជន បរទេស និងអ្នកភូមិពីរនាក់ត្រូវបានគេជួយសង្គ្រោះ។ យ៉ាងហោចណាស់មានពលរដ្ឋចិន៣នាក់ស្លាប់គិតត្រឹមព្រឹកថ្ងៃព្រហស្បតិ៍ នេះបើយោងតាមការចុះផ្សាយរបស់ទីភ្នាក់ងារសារព័ត៌មានរបស់ប្រទេសចិន។ មន្ត្រីនៅប្រទេសនេប៉ាល់មុននេះបាននិយាយថាមនុស្ស៤០៣នាក់ រួមទាំងជនបរទេស ៣៤១ នាក់ត្រូវបានរាយការណ៍ថាបាត់ខ្លួន ដោយក្នុងនោះមានជនជាតិ១៣៣នាក់ ដែលបានមកធ្វើធម្មយាត្រាទៅកាន់ភ្នំ Kailash ក្នុងប្រទេសទីបេ ដែលជាកន្លែងពិសិដ្ឋសម្រាប់ក្រុមសាសនាហិណ្ឌូ នេះបើយោងតាមលោក Sunil Sharma អ្នកនាំពាក្យក្រុមប្រឹក្សាទេសចរណ៍។ ចំណែកនៅខាងប្រទេ សនេប៉ាល់វិញ គ្រោះមហន្តរាយភ្លាមៗនេះបានសម្លាប់មនុស្សកើនដល់១៦០នាក់ និងធ្វើឲ្យអ្នកទេសចរ កម្មករ និងអ្នកដទៃទៀតបាត់ខ្លួនបន្ទាប់ពីវាបានបោកបក់ឆ្លងកាត់សហគមន៍នានា និងធ្វើឲ្យការធ្វើដំណើរនៅតំបន់មួយចំនួនត្រូវកាត់ផ្តាច់។ ទូរទស្សន៍រដ្ឋ CCTV របស់ប្រទេសចិនបានចេញផ្សាយវីដេអូដ្រូននៃជ្រលងភ្នំលិចទឹក តំបន់ដែលនាំទៅកាន់ទីក្រុងព្រំដែន Gyirong។ CCTV បានរាយការណ៍ថា ផ្លូវសំខាន់ដែលនាំទៅកាន់តំបន់ព្រំដែនត្រូវបានបំផ្លាញខ្ទេចខ្ទី ដែលធ្វើឲ្យប្រតិបត្តិការជួយសង្គ្រោះមានការលំបាកខ្លាំង៕
សម្រួលអត្ថបទ៖ សុផារិន្ទ
