នាវាទេសចរណ៍អន្តរជាតិ VING VENUS ចូលចតនៅកំពង់ផែស្វយ័តក្រុងព្រះសីហនុ ដោយនាំមកនូវភ្ញៀវទេសចរ និងនាវិកជាង ១,៣០០នាក់

ខេត្តព្រះសីហនុ៖ នៅថ្ងៃទី២២ ខែតុលា ឆ្នាំ២០២៦ វេលាម៉ោង ០៦:៤០នាទីព្រឹក នាវាទេសចរណ៍អន្តរជាតិដ៏ប្រណីតមួយឈ្មោះ VING VENUS បានចូលចតយ៉ាងសុវត្ថិភាពនៅកំពង់ផែ ដើម្បីបំពេញទស្សនកិច្ច និងនាំភ្ញៀវទេសចរអន្តរជាតិមកទស្សនាកម្សាន្តក្នុងព្រះរាជាណាចក្រកម្ពុជា។

នាវា VING VENUS មានប្រវែងបណ្តោយ ២២៨.៣០ម៉ែត្រ ទទឹង ២៨.៨០ម៉ែត្រ និងមានជម្រៅទឹក ៦.៥៦ម៉ែត្រ។ នាវានេះបានធ្វើដំណើរមកពីប្រទេសវៀតណាម (VN) និងមានគម្រោងចាកចេញពីកម្ពុជាវិញនៅវេលាម៉ោង ១៤:០០នាទី ថ្ងៃទី២៣ ខែតុលា ឆ្នាំ២០២៦ ឆ្ពោះទៅកាន់ប្រទេសថៃ។

នាវាទេសចរណ៍អន្តរជាតិមួយនេះ បានដឹកជញ្ជូនភ្ញៀវទេសចរ និងបុគ្គលិកបម្រើការងារលើនាវាសរុបចំនួន ១,៣២៣នាក់ ក្នុងនោះរួមមាន៖ ភ្ញៀវធ្វើដំណើរសរុប៖ ៨៥៦នាក់ (ស្រី ៤៤៨នាក់) មកពី ២៧សញ្ជាតិ។ នាវិកសរុប៖ ៤៦៧នាក់ (ស្រី ១១២នាក់) មកពី ៣៥សញ្ជាតិ។ ចំពោះភ្ញៀវទេសចរអន្តរជាតិចំនួនច្រើនជាងគេលើនាវានេះ រួមមាន៖ ១. សញ្ជាតិអាមេរិក (USA): ចំនួន ៦៨៦នាក់ (ប្រុស ៦៨៦នាក់ និងស្រី ៣៦៤នាក់) — (បញ្ជាក់៖ តាមទិន្នន័យសរុបរបស់ភ្ញៀវ)។ ២. សញ្ជាតិអូស្ត្រាលី (Australia): ចំនួន ៧៧នាក់ (ប្រុស ៥២នាក់ និងស្រី ២៥នាក់)។

រូបភាព ៖ ផូង ថៃ