Fix Banner Stand
Fix Banner Stand
Footer ads TVK

ព្រះមហាក្សត្រកម្ពុជា ស្តេចយាងទស្សនារមណីយដ្ឋានប្រវត្តិសាស្ត្រ ខេត្តហ៊ូណាន ដែលសម្តេចឪ និងសម្តេចម៉ែ ធ្លាប់បានយាងបំពេញព្រះរាជទស្សនកិច្ច ក្នុងអំឡុងឆ្នាំ ១៩៦៣

ព្រះមហាក្សត្រកម្ពុជា ស្តេចយាងទស្សនារមណីយដ្ឋានប្រវត្តិសាស្ត្រ ខេត្តហ៊ូណាន ដែលសម្តេចឪ និងសម្តេចម៉ែ ធ្លាប់បានយាងបំពេញព្រះរាជទស្សនកិច្ច ក្នុងអំឡុងឆ្នាំ ១៩៦៣

តាមសំណើសូមយាង របស់ ឯកឧត្តម សុី ជីនពីង ប្រធានាធិបតី នៃសាធារណរដ្ឋប្រជាមានិតចិន ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហរទ័យ ស្តេចយាងបំពេញព្រះរជាទស្សនៈកិច្ចជាផ្លូវការ នៅខេត្ត hunan សាធារណរដ្ឋប្រជាមានិតចិន ចាប់ពីថ្ងៃទី ២១ ដល់ ថ្ងៃទី ២៣ ខែកញ្ញា ឆ្នាំ២០២២ ។
ដោយឡែកនៅព្រឹកថ្ងៃទី ២២ ខែកញ្ញា ឆ្នាំ ២០២២ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជាជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ស្តេចយាងទស្សនារមណីយដ្ឋានប្រវត្តិសាស្ត្រក្នុងខេត្ត ហ៊ូណាន សាធារណរដ្ឋប្រជាមានិតចិន ។
សូមបញ្ជាក់ថា រម្មណីយដ្ឋានប្រវត្តិសាស្ត្រនេះ ព្រះករុណាព្រះបាទសម្ដេចព្រះ នរោត្តម សីហនុ ព្រះមហាវីរក្សត្រ ព្រះបរមរតនកោដ្ឋ និង សម្តេចព្រះមហាក្សត្រី ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គធ្លាប់បានយាងបំពេញព្រះរាជទស្សនកិច្ច ក្នុងអំឡុងឆ្នាំ ១៩៦៣ ហើយព្រះករុណាព្រះបរមរតនកោដ្ឋ បានប្រទានគូររូបគំនូរគេហដ្ឋាន របស់លោកប្រធាន ម៉ៅ សេទុង ដោយស្នាព្រះហស្ថព្រះអង្គផ្ទាល់ រួចរាល់ត្រឹមតែមួយយប់ប៉ុណ្ណោះ គឺភូមិកំណើតលោកប្រធាន ម៉ៅ សេទុង ដើម្បីឧទ្ទិសដល់ការចងចាំវីរភាព ដ៏អង់អាចក្នុងការតស៊ូប្តូរផ្តាច់រំដោះប្រទេសជាតិពីការឈ្លានពានរបស់បរទេស។
ដោយ: ទទក

Footer ads TVK