Fix Banner Stand
Fix Banner Stand
Footer ads TVK

ឯកអគ្គរាជទូតអូស្ត្រាលី ៖ ប្រ៊ែនសម្លៀកបំពាក់ តស៊ូ គឺជាកម្មសិទ្ធិរបស់ជនជាតិខ្មែរ ១០០%

(ភ្នំពេញ)÷កាលពីសប្តាហ៍មុន ឯកអគ្គរាជទូត Kang បានអញ្ជើញទៅស្ទូឌីយោសម្លៀកបំពាក់ប្រ៊ែន តស៊ូ ដែលមានទីតាំងនៅទីក្រុងភ្នំពេញ។ ប្រ៊ែនសម្លៀកបំពាក់ តស៊ូ គឺជាកម្មសិទ្ធិរបស់ជនជាតិខ្មែរ ១០០% និងជាប៊្រែនសម្លៀកបំពាក់ប្រកបដោយនិរន្តរភាព និងសីលធម៌ដំបូងគេក្នុងប្រទេសកម្ពុជា ដែលត្រូវបានដាក់លក់នៅហាងទំនិញ Myer ក្នុងប្រទេសអូស្ត្រាលី។

ក្រុមហ៊ុនសម្លៀកបំពាក់ប៊្រែន តស៊ូ ក៏បានផ្គត់ផ្គង់សម្លៀកបំពាក់ដល់ក្រុមហ៊ុនបច្ចេកវិទ្យាដ៏ធំបំផុតមួយរបស់អូស្ត្រាលី ដែលមានថាឈ្មោះ Atlassian អស់រយៈពេលជាច្រើនឆ្នាំផងដែរ។
«យើងមានស្ទួឌីយោសម្លៀកបំពាក់សម្រាប់លក់រាយតូចមួយនៅភ្នំពេញ ដែលការផលិតសម្លៀកបំពាក់របស់យើងធ្វើឡើងនៅខេត្តកំពត និងទទួលការបញ្ជាទិញតាមប្រព័ន្ធអ៊ីនធឺណិតពីទីតាំងចែកចាយធំរបស់យើងនៅឯទីក្រុង Torquay (ប្រទេសអូស្ត្រាលី)»។

ការរចនាសម្លៀកបំពាក់ផលិតពីក្រណាត់សាច់អំបោះរបស់ តស៊ូ ត្រូវបានផលិតចេញពីក្រណាត់ដែលនៅសេសសល់ពីឧស្សាហកម្មកាត់ដេរធំៗនៅក្នុងប្រទេសកម្ពុជា។ ក្រុមហ៊ុនសម្លៀកបំពាក់ប៊្រែន តស៊ូ មិនប្រើសារធាតុគីមីពុលក្នុងការផលិតទេ ហើយស្ទូឌីយោផលិតកម្មដំណើរការជាចម្បងផ្អែកលើទឹកភ្លៀងដែលរក្សាទុកក្នុងធុង។

ក្រុមហ៊ុនសម្លៀកបំពាក់ប៊្រែន តស៊ូ ជឿជាក់ថាការផលិតសម្លៀកបំពាក់គួរតែទទួលជ្រើសរើស និងគាំទ្របុគ្គលិកដោយផ្តល់នូវលក្ខខណ្ឌការងារសមរម្យ។ ជាមួយនឹងក្រុមការងារផ្នែកគ្រប់គ្រងដែលមានជនជាតិខ្មែរ ៨០% និងមានស្ត្រី ៨០% ក្រុមហ៊ុនសម្លៀកបំពាក់ប៊្រែនតស៊ូ បានប្តេជ្ញាចិត្តក្នុងការលើកកម្ពស់វប្បធម៌នៃភាពចម្រុះ សមធម៌ ប្រកបដោយបរិយាបន្ន។ លក្ខខណ្ឌការងាររបស់ពួកគេរួមមាន ធ្វើការ ៤០ម៉ោង ក្នុងមួយសប្តាហ៍ ប្រាក់ឈ្នួលសមរម្យ កិច្ចសន្យាធានា ការបណ្តុះបណ្តាលទាក់ទងនឹងសុវត្ថិភាព និងច្បាប់ឈប់សម្រាកការងារផ្សេងៗ រួមទាំងការឈប់សម្រាកលំហែមាតុភាព៕ រូបភាព៖ ស្ថានទូតអូស្រ្តាលីប្រចាំកម្ពុជា

Footer ads TVK