Fix Banner Stand
Fix Banner Stand
Footer ads TVK

ឯកឧត្តមអភិបាលខេត្តតាកែវ ដឹកនាំអភិបាលស្រុក និងប្រធានមន្ទីរជំនាញពាក់ព័ន្ធ អញ្ជើញចុះត្រួតពិនិត្យដីបាក់ស្រុតនៅចំណុចស្ពានទំនប់ដាច់ព្រំប្រទល់រវាងស្រុកសំរោង និងស្រុកអង្គរបូរី

តាកែវ៖ ឯកឧត្តម អ៊ូច ភា អភិបាលខេត្តតាកែវ នៅព្រឹកថ្ងៃអាទិត្យ ទី ០៧ ខែសីហា ឆ្នាំ២០២២នេះ បានដឹកនាំលោកអភិបាលស្រុកសំរោង អង្គរបូរី និងលោកប្រធានមន្ទីរព័ត៌មាន ប្រធានមន្ទីរសាធារណៈការ និងដឹកជញ្ជូន ព្រមទាំងក្រុមកងវិស្វកម្មក្រសួងការពារជាតិ បានអញ្ជើញចុះត្រួតពិនិត្យស្ពានទំនប់ដាច់ បានបាក់ស្រុតដីដែលមិនអាចធ្វើដំណើរឆ្លងកាត់ទៅមកបាន នៅជាប់ព្រំប្រទល់ស្រុកសំរោង និងស្រុកអង្គរបូរី ។ ក្នុងឱកាសនោះដែរ ឯកឧត្តម អ៊ូច ភា អភិបាលខេត្តតាកែវ ក៏បានគូសបញ្ជាក់ថា ការបាក់ស្រុតដីនៅជាប់ស្ពាន់ទំនប់ដាច់នេះ វាគឺជាបាតុភូតធម្មជាតិ ដែលធ្វើឱ្យបងប្អូនប្រជាពលរដ្ឋមិនអាចធ្វើដំណើរចរាចរណ៍ឆ្លងកាត់ទៅមកបានរវាងស្រុកសំរោង និងស្រុកអង្គរបូរីតាមផ្លូវកាត់បឹង១ខ្សែរនេះ ហើយផ្លូវនេះនឹងផ្អាកការធ្វើដំណើរជាបណ្តោះអាសន្នយ៉ាងយូរត្រឹម ២ឬ៣ថ្ងៃតែប៉ុណ្ណឹង ដើម្បីទុកពេលឱ្យក្រុមការងារកង ១៨១ នាយកដ្ឋានវិស្វកម្មនៃក្រសួងការពារជាតិ ដឹកនាំដោយផ្ទាល់ ឧត្តមសេនីយ៍ទោ ជា ស៊ីថន ដែលជាប្រធាន ធ្វើការជួសជុលឱ្យហើយរួចរាល់ និងធានាបានសុវត្ថិភាព ទើបយើងអាចបើកឱ្យបងប្អូនប្រជាពលរដ្ឋ ធ្វើចរាចរណ៍ឆ្លងកាត់បានជាធម្មតាឡើងវិញ ៕
Footer ads TVK