លោកឧត្តមសេនីយ៍ត្រី ម៉េង ស្រ៊ុន អញ្ជើញជាអធិបតីក្នុងពិធីសំណេះសំណាលជាមួយយោធិន នៃកងរាជអាវុធហត្ថខេត្តកំពង់ស្ពឺ និងយោធិនសោធននិវត្តន៍ ដើម្បីអបអរសាទរក្នុងឱកាសថ្ងៃបុណ្យកាន់បិណ្ឌ-ភ្ជុំបិណ្ឌ ប្រពៃណីជាតិខ្មែរ
កំពង់ស្ពឺ៖ ដោយមានការចង្អុលបង្ហាញតម្រង់ទិសនិងយកគំរូដឹកនាំដ៏ប៊ិនប្រសពឈ្លាសវៃ ប្រកបដោយគុណធម៌ ជ្រះថ្លាក្នុងព្រះពុទ្ធសាសនារបស់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេសនៅបញ្ជាការដ្ឋានកងរាជអាវុធហត្ថខេត្តកំពង់ស្ពឺ នារសៀលថ្ងៃទី៥ ខែតុលា ឆ្នាំ២០២៦ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ បានអញ្ជើញជាអធិបតីក្នុងពិធីសំណេះសំណាលជាមួយយោធិន នៃកងរាជអាវុធហត្ថខេត្តកំពង់ស្ពឺ និងយោធិនសោធននិវត្តន៍ ដើម្បីអបអរសាទរក្នុងឱកាសថ្ងៃបុណ្យកាន់បិណ្ឌ-ភ្ជុំបិណ្ឌ ប្រពៃណីជាតិខ្មែរ។
តាមរយៈការមានជំនឿ ចំពោះព្រះពុទ្ធសាសនានេះហើយ ទើបបច្ចុប្បន្ននេះ ពុទ្ធបរិស័ទកម្ពុជាគ្រប់ស្រទាប់វណ្ណៈបានរួមសាមគ្គីគ្នាកសាងនូវសមិទ្ធិផលជាច្រើនបម្រើឱ្យការរីកចំរើននិងគង់វង្សនៃព្រះពុទ្ធសាសនាដែលជាសាសនារបស់រដ្ឋ និងមានសារៈសំខាន់ណាស់សម្រាប់ប្រជាជនខ្មែរ បានមកធ្វើបុណ្យទានសម្តែងនូវកតញ្ញូចំពោះអ្នកមានគុណ ឧទ្ទិសកុសលជូនបុព្វការីជន និងញាតកាគ្រប់សន្តាន ដែលទទួលមរណកាលទៅហើយ និងជាឱកាសបានជួបជុំក្រុមគ្រួសារ សាច់ញាតិដែលកំពុងរស់នៅទីជិតឆ្ងាយ និងជួយទំនុកបម្រុងដល់ព្រះសង្ឃ ដែលគង់ចាំព្រះវស្សា អស់រយៈកាលត្រីមាស ចាប់ពីថ្ងៃចូលព្រះវស្សារហូតដល់ថ្ងៃចេញព្រះវស្សា។ ពិសេសពិធីបុណ្យនេះ បានបណ្តុះស្មារតីសាមគ្គីភាពជាតិ ស្រឡាញ់ ថែរក្សា ការពារទំនៀមទម្លាប់ ប្រពៃណី និងដើម្បីលើកកម្ពស់អរិយធម៌ជាតិខ្មែរយើងថែមទៀតផង។
ថ្លែងក្នុងពិធីនាពេលនោះដែរ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ បានសំណេះសំណាលជាមួយយោធិន នៃកងរាជអាវុធហត្ថខេត្តកំពង់ស្ពឺ និងយោធិនសោធននិវត្តន៍ដែលមានវត្តមានក្នុងការចូលរួម ព្រមទាំងបានពាំនាំនូវការផ្តាំផ្ញើរសួរសុខទុក្ខនិងពាក្យជូនពរ ពីសំណាក់ ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង កងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ចំពោះនាយទាហាន នាយទាហានរង និងពលទាហាន នៃកងរាជអាវុធហត្ថខេត្តកំពង់ស្ពឺ និងយោធិនសោធននិវត្តន៍ ព្រមទាំងក្រុមគ្រួសារ ទាំងអស់ឱ្យជួបប្រទះតែនឹងពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
ក្នុងពិធីសំណេះសំណាលនោះដែរ លោកឧត្តមសេនីយ៍ត្រី ម៉េង ស្រ៊ុន មេបញ្ជាការ ក្នុងទឹកចិត្តប្រពៃថ្លៃថ្លា បានឧបត្ថម្ភជាថវិការ និងគ្រឿងឧបភោគ បរិភោគចែកជូនដល់ នាយទាហាន នាយទាហានរងនិងយោធិនសោធននិវត្តន៍ចំនួន ៤៧នាក់ផងដែរ។ ចំពោះយោធិនសោធននិវត្តន៍ទាំង៤៧នាក់ ដោយក្នុងម្នាក់ៗទទួលបាននូវថវិកាចំនួន៥០,០០០រៀល ព្រមទាំងគ្រឿងឧបភោគបរិភោគរួមមាន៖អង្ករ១បាវ, ទឹកក្រូច១កេស, ទឹកសុទ្ធ១កេស និងចេក១ស្និតបន្ថែមទៀត។ ចំពោះនាយទាហាន នាយទាហានរង ដោយក្នុងម្នាក់ៗទទួលបាននូវភេសជ្ជៈ១កេស, ទឹកក្រូច១កេស, ទឹកសុទ្ធ១កេស រួមនិងចេក១ស្និតផងដែរ។
សម្រាប់ថវិការក៏ដូចជាសម្ភារៈគ្រឿងឧបភោគបរិភោគ ដែលបានចំណាយក្នុងការឧបត្ថម្ភ ក្នុងពិធីសំណេះសំណាលនេះផងដែរ ដោយប្រើប្រាស់ទឹកបរិសុទ្ធ ហ្គេនស្បឿកចំនួន ៤៨កេស គិតជាថវិការស្មើ ៧២០,០០០រៀល,ទឹកបរិសុទ្ធ វី – អាកទីវ ចំនួន១៩៣កេស គិតស្មើនិង ២,៨៩៥,០០០រៀល ភេសជ្ជៈ វី-ឡេមិនធីចំនួន១៥៦កេស ស្មើនិង ៥,៤៦០,០០០រៀល,ទឹកផ្លែឈេឺចំនួន៨៣កេស ស្មើនិង ២,០៩៥,០០០រៀល,ស្រាបៀរ Krud ចំនួន ១៩៣កេស ស្មើនិង ១០,៦១៥,០០០រៀល,អង្ករចំនួន៤៧បេ(ស្មើ១,០៣៤គីឡូក្រាម) គិតជាថវិការស្មើ ៣,១០២,០០០រៀល,ចេក២៤០ស្និត គិតជាថវិការស្មើ ៤,៨០០,០០០រៀល និងថវិការ៤៧នាក់ ស្មើ ២,៣៥០,០០០រៀល ដែលសរុបជាថវិការទាំងអស់ស្មើនឹង ៣២,៣៧០,០០០រៀល៕
