ប្រទេសប៉េរូត្រៀមខ្លួនសម្រាប់ឆ្លើយតបទៅនឹងឥទ្ធិពលខ្យល់ព្យុះថ្មីដែលទាក់ទងនឹងបាតុភូត El Niño បង្ករជាទឹកជំនន់ក្នុងទីក្រុង Lima

ប្រធានាធិបតីប៉េរូ លោកស្រី Keiko Fujimori  បាននិយាយថា រដ្ឋាភិបាលរបស់លោកស្រីកំពុងត្រៀមខ្លួនសម្រាប់ឆ្លើយតបទៅនឹងព្យុះដែលនឹងមកដល់ ដែលវាទាក់ទងនឹងការប្រែប្រួលអាកាសធាតុនៃបាតុភូតអែលនីញ៉ូ និងវិបត្តិបរិយាកាស “អានីបាល”។ លោកស្រី Fujimori បានថ្លែងពីមជ្ឈមណ្ឌលប្រតិបត្តិការសង្គ្រោះបន្ទាន់នៅទីក្រុងលីម៉ា ជាកន្លែងដែលលោកស្រីបានព្រមានប្រជាជនអំពីវត្តមានរបស់ខ្យល់បក់ខ្លាំង និងភ្លៀងធ្លាក់ខ្លាំងថា៖ ស្របពេលដែលប្រទេសរបស់យើងកំពុងត្រៀមខ្លួនសម្រាប់បាតុភូតអែលនីញ៉ូ យើងត្រូវតែរាយការណ៍ថា ព្រឹត្តិការណ៍អាកាសធាតុមួយផ្សេងទៀតបានទៅដល់ប្រទេសប៉េរូដូចគ្នា”។ រដ្ឋាភិបាលនៅទីក្រុងលីម៉ាបានបញ្ជាឱ្យបិទសាលារៀនជាបណ្តោះអាសន្ន បន្ទាប់ពីភ្លៀងធ្លាក់ថ្មីៗនេះដែលបានធ្វើឱ្យផ្លូវថ្នល់គ្របដណ្តប់ដោយល្បាក់ភក់ និងស្ទះប្រព័ន្ធលូ។ លោក Santiago Espinoza ដែលជាប្រជាជនម្នាក់រងផលប៉ះពាល់ដោយសារភ្លៀង ធ្លាក់ខ្លាំងបាននិយាយថា៖ ទឹកជំនន់បានទៅដល់តំបន់មួយ ដែលពីមុនមានសុវត្ថិភាពធម្មតាទោះបីជាមានព្យុះភ្លៀង។ ការិយាល័យឧតុនិយមរបស់ប្រទេសប៉េរូព្យាករណ៍ថា នឹងមានភ្លៀងធ្លាក់កម្រិត១មីលីម៉ែត្រសម្រាប់តំបន់វាលខ្សាច់នៃឆ្នេរសមុទ្ររបស់ប្រទេស ជាកន្លែងដែលទីក្រុងលីម៉ាស្ថិតនៅដែរ។ សេវាអាកាសធាតុជាតិសហរដ្ឋអាមេរិកវិញបានរាយការណ៍ថា បាតុភូតអែលនីញ៉ូដែលគេរំពឹងទុកសម្រាប់រដូវកាលឆ្នាំ២០២៦នេះ នឹងបន្តពង្រឹងជាមួយកម្រិតបន្ថែម ៩០% ទៀត ដែលនាំឲ្យវាក្លាយជា”បាតុភូតដ៏ខ្លាំង”។ រដ្ឋបាលជាតិមហាសមុទ្រ និងបរិយាកាស (NOAA) ក៏បាននិយាយផងដែរថាកន្លងទៅគឺវាមានកម្រិតពង្រីក ៦៩% ដែលព្រឹត្តិការណ៍នេះអាចលើសពីកំណត់ត្រានៃរដូវកាលមុនៗ ដែលមានចាប់តាំងពីឆ្នាំ ១៩៥០មក៕

សម្រួលអត្ថបទ៖ សុផារិន្ទ