អ្នកចាញ់ទៅផ្ទះ អ្នកឈ្នះឡើងបន្ត! សោកស្តាយចំពោះកំពូលកីឡាករ Cristiano Ronaldo មិនអាចយកឈ្នះអេស្ប៉ាញបាន ខណៈក្រុមអាម៉េរិកត្រូវនៅចាំផ្ទះដដែលទោះបីមានកិច្ចអន្តរាគមន៍ពីលោក Trump

កីឡាករ Mikel Merino បានស៊ុតបាល់បញ្ចូលទីនៅនាទីដំបូងនៃម៉ោងបន្ថែមតង់ទីពីរ៩០+៦ ដែលធ្វើឱ្យអេស្ប៉ាញយកឈ្នះលើក្រុមព័រទុយហ្គាល់១-០ កាលពីព្រឹកថ្ងៃច័ន្ទនេះ (ម៉ោងនៅអាម៉េរិក) ដែលជាគ្រាប់បាល់ដើម្បីបញ្ចប់អាជីពបាល់ទាត់ពិភពលោករបស់កំពូលតារាកីឡាករឆ្នើមរបស់ព័រទុយហ្កាល់ដែរគឺ Cristiano Ronaldo ផងដែរ។ Merino ទើបតែត្រូវបានផ្តួល ហើយកំហុសមួយត្រូវបានប្រកាសឡើងដូចគ្នា ប៉ុន្តែ១គ្រាប់នេះគឺជាគុណសម្បត្តិដ៏សម្បើមសម្រាប់ប្រទេសអេស្ប៉ាញ ស្របពេលដែលគ្រប់គ្នាព្យាយាមតាមបិតខ្សែប្រយុទ្ធអេស្ប៉ាញវ័យ១៩ឆ្នាំ Lamine Yamal និង បិទ Cristiano Ronaldo ដូចគ្នា។ ខណៈដែលកីឡាករ Bernardo Silva របស់ក្រុមព័រទុយហ្គាល់បានប្រកែកថា Merino បានលេងបាល់ត្រឡប់និងរត់ទៅរកគោលដៅ ហើយបានទម្លុះសំណាញ់ឈ្នះអ្នកចាំទីព័រទុយហ្កាល់ Diogo Costa បានយ៉ាងងាយដោយគ្មានឧបសគ្គរារាំង បន្ទាប់ពីរូបគេទទួលបាល់បានពីការបញ្ជូនរបស់ Ferran Torres។អេស្ប៉ាញបានឡើងទៅវគ្គ ៨ ក្រុមចុងក្រោយជាលើកដំបូងដែរចាប់តាំងពីឈ្នះពានរង្វាន់បាល់ទាត់ពិភពលោកតែមួយដងគត់របស់ខ្លួនក្នុងឆ្នាំ ២០១០។ Ronaldo កំពុងព្យាយាមនាំព័រទុយហ្គាល់ទៅកាន់វគ្គ ៨ ក្រុមចុងក្រោយក្នុងការប្រកួតជាប់ៗគ្នាលើកទីពីរ និងជាលើកដំបូង ផ្ទុយទៅវិញវាបានធ្វើឱ្យអាជីពនៅលើឆាកដ៏ធំបំផុតរបស់លោកត្រូវបញ្ចប់ទៅហើយសម្រាប់កីឡាករដែលឈានមុខគេគ្រប់ពេលនៃការស៊ុតបាល់បញ្ចូលទីខ្នាតអន្តរជាតិ (១៤៦) និងការបង្ហាញខ្លួន (២៣៣ដង)។ Merino មិនបានចូលលេងរហូតដល់នាទី ទី៨៥ ហើយការលេងបែប Heads-up របស់គេបានបង្ហាញពីភាពបត់បែនមួយចំនួនដែលធ្លាប់បានជួយ Arsenal ឈ្នះពានរង្វាន់ Premier League លើកដំបូងរបស់ខ្លួនក្នុងរយៈពេលជាង ២០ឆ្នាំនៅនិទាឃរដូវនេះដែរ។ FIFA ២០២៦នេះគឺជាឆ្នាំទី៨ហើយ ដែល Cristiano Ronaldo រកបានបាល់ hat-trick តែមួយគត់ពីក្នុងព្រឹត្តិការណ៍ World Cup ក្នុងលទ្ធផលស្មើ ៣-៣ ជាមួយអេស្ប៉ាញក្នុងការប្រកួតបើកឆាកវគ្គចែកពូលដែលត្រូវបានចាត់ទុកថាជាការប្រកួតដ៏ល្អបំផុតមួយរបស់លោកដែរ។ កីឡាករឆ្នើមវ័យជ្រេជាងគេ៤១ឆ្នាំរូបនេះបានស៊ុតបញ្ចូលទីបានបីគ្រាប់ក្នុងការប្រកួតលើកនេះ ប៉ុន្តែមិនមានឱកាសច្រើនប្រឆាំងនឹង Unai Simón របស់អេស្ប៉ាញឡើយ ដែលបានពង្រីកកំណត់ត្រា World Cup របស់គាត់រហូតដល់ ៦០៩នាទីដោយមិនរបូតគ្រាប់បាល់នោះ។ អេស្ប៉ាញបានក្លាយជាក្រុមដំបូងគេដែលកត់ត្រាថាមិនរបូតគ្រាប់បាល់៦លើកជាប់ៗគ្នានៅក្នុងព្រឹត្តិការណ៍ World Cup។ ឱកាសដ៏ល្អបំផុតគឺការទាត់ថយក្រោយដ៏ប៉ិនប្រសប់របស់ Ronaldo នៅនាទីទី៣៧នៅពេលដែលការតែតបាល់របស់ Joao Felix បានផ្លាតចេញពីស្មាខាងឆ្វេងរបស់ Simón ហើយបានហោះឡើងលើអាកាសទៅកាន់ Ronaldo ដែរ តែក៏ផុតទៅវិញ។ អ្នកទស្សនាទូទាំងពិភពលោកដែលជាអ្នកគាំទ្ររបស់កីឡាករ Cristiano Ronaldo ពិតជាសោកស្តាយនឹងលទ្ធផលនេះ ព្រោះពួកគេបានប្រឹងប្រែងណាស់តែមិនមានសំណាង។ ចំណែកក្តីសង្ឃឹមរបស់សហរដ្ឋអាមេរិកសម្រាប់ការរត់ចូលយ៉ាងជ្រៅក្នុងព្រឹត្តិការណ៍ World Cup ក្នុងនាមជាសហម្ចាស់ផ្ទះ FIFA ២០២៦ ក៏បានបញ្ចប់ដែរ នៅពេលដែល Charles De Ketelaere រកបាន២គ្រាប់ និងជួយរកគ្រាប់បាល់មួយទៀត ដែលធ្វើឱ្យបែលហ្ស៊ិកបង្ហាញពីការទទួលខុសត្រូវចំពោះកិច្ចការពាររបស់អាមេរិកក្នុងជ័យជម្នះ៤-១នៅយប់ថ្ងៃច័ន្ទ ដើម្បីឡើងទៅកាន់វគ្គ៨ក្រុម។ មុនការប្រកួតមកដល់ម្ចាស់ផ្ទះសហរដ្ឋអាមេរិកបានចូលជ្រៅក្នុងកិច្ចអន្តរាគមន៍ពីសំណាក់ប្រធានាធិបតី Donald Trump សម្រាប់វត្តមានរបស់ខ្សែប្រយុទ្ធឆ្នើមអាម៉េរិក Folarin Balogun ដែលទទួលបានកាតក្រហម និង ត្រូវព្យួរការប្រកួត ប៉ុន្តែត្រូវបានលើកលែងវិញដោយ FIFA ក្រោយការស្នើឲ្យត្រួតពិនិត្យរបស់លោកប្រធានាធិបតី Trump ។ កីឡាករបែលហ្ស៊ិកស្បែកខ្មៅ មាឌធំ Romelu Lukaku បានថែម១គ្រាប់បាល់ចុងក្រោយនៅម៉ោងបន្ថែម ដើម្បីទម្លាក់ផ្តាច់ក្រុមអាម៉េរិកឱ្យនៅចាំផ្ទះ មិនឲ្យឡើងទៅកាន់វគ្គ៨ក្រុមតែម្តង៕

សម្រួលអត្ថបទ៖ សុផារិន្ទ