ផ្តល់ក្តីស្រលាញ់រៀងរាល់គីឡូវ៉ាត់ម៉ោង បំភ្លឺអនាគត | ក្រុមហ៊ុនហ៊រទានសីហនុវីលផៅវ័រជេនើរេសិនឯ.ក បានទៅទស្សនាសាលារៀនកាងហួរ ផ្សព្វផ្សាយថាមពលបៃតង និងផ្តល់ភាពកក់ក្តៅ

ក្រុមហ៊ុនហ៊រទានសីហនុវីលផៅវ័រជេនើរេសិនឯ.ក (ក្រុមហ៊ុនហ៊រទានព្រះសីហនុ) បានរៀបចំសកម្មភាពបើកជាសាធារណៈមួយដោយជោគជ័យ  “ផ្តល់ក្តីស្រលាញ់រៀងរាល់គីឡូវ៉ាត់ម៉ោង បំភ្លឺអនាគត” នៅសាលារៀនកាងហួរ ក្នុងក្រុងព្រះសីហនុ។

នេះជាឆ្នាំទីប្រាំពីរជាប់ៗគ្នាដែលក្រុមហ៊ុនហ៊រទានព្រះសីហនុ បានទៅសាលារៀនក្នុងស្រុក ដោយនាំយកចំណេះដឹងអំពីថាមពលបៃតងចូលទៅក្នុងថ្នាក់រៀន យកការទទួលខុសត្រូវរបស់សាជីវកម្មទៅក្នុងសហគមន៍ និងដាំគ្រាប់ពូជនៃមិត្តភាពរវាងប្រទេសចិន និងកម្ពុជានៅក្នុងចិត្តរបស់កុមារ តាមរយៈការផ្សព្វផ្សាយវិទ្យាសាស្ត្រ ជំនួយអប់រំ និងការផ្លាស់ប្តូរវប្បធម៌។

ក្នុងនាមជាសហគ្រាសដែលទទួលបានមូលនិធិពីប្រទេសចិន ដែលមានឫសគល់នៅក្នុងប្រទេសកម្ពុជា ក្រុមហ៊ុនហ៊រទានព្រះសីហនុ ចូលរួមយ៉ាងសកម្មនៅក្នុងគំនិតផ្តួចផ្តើមខ្សែក្រវ៉ាត់មួយ និងផ្លូវមួយ ហើយបានប្តេជ្ញាចិត្តជាយូរមកហើយក្នុងការផ្តល់អគ្គិសនីស្អាត និងមានស្ថេរភាពដល់តំបន់ក្នុងស្រុក រួមចំណែកដល់ការអភិវឌ្ឍសេដ្ឋកិច្ច និងការកសាងសង្គមរបស់ប្រទេសកម្ពុជា។

ខណៈពេលដែលផ្តោតលើការផលិត និងប្រតិបត្តិការ ក្រុមហ៊ុនហ៊រទានព្រះសីហនុ   អនុវត្តឥតឈប់ឈរនូវគោលគំនិតទំនួលខុសត្រូវសង្គមរបស់ខ្លួនគឺ “ផ្តល់ក្តីស្រលាញ់រៀងរាល់គីឡូវ៉ាត់ម៉ោង របស់ឆាយណាហ៊រទាន ” ដោយផ្តល់សារៈសំខាន់យ៉ាងខ្លាំងដល់សហគមន៍ ការគាំទ្រការអប់រំ និងការលើកកម្ពស់ការតភ្ជាប់រវាងប្រជាជន និងប្រជាជន។

ថ្ងៃបើកជាសាធារណៈនេះ ដែលជាបើកសម្រាប់គ្រូបង្រៀន និងសិស្សនៃសាលាកាងហួរ ដោយសំដៅទៅលើ “ថ្នាក់រៀនថាមពលបៃតងខ្នាតតូច” ដ៏ពិសេសមួយ។ បុគ្គលិកបានពន្យល់ជាភាសាដែលអាចយល់បានអំពីប្រភពអគ្គិសនី របៀបដែលយើងប្រើប្រាស់អគ្គិសនីជារៀងរាល់ថ្ងៃ ហេតុអ្វីបានជាយើងគួរសន្សំសំចៃអគ្គិសនី និងអត្ថប្រយោជន៍នៃថាមពលព្រះអាទិត្យ និងខ្យល់។

ថ្នាក់រៀនរួមមានវគ្គសំណួរ និងចម្លើយ និងហ្គេម ដែលមានលើកដៃសួរសំណួរនិងឆ្លើយយ៉ាងសកម្ម ។ សកម្មភាពនេះគឺសាមញ្ញ ជាក់ស្តែង និងមានភាពទំនាក់ទំនងគ្នាខ្ពស់ ដែលធ្វើឱ្យមានប្រជាប្រិយភាពខ្លាំងជាមួយគ្រូបង្រៀន និងសិស្ស។

មុនពេលដំណើរការសកម្មភាពមួយនេះ សាលាបានរៀបចំសិស្សឱ្យពណ៌នាអំពីចក្ខុវិស័យរបស់ពួកគាត់អំពីផ្ទះបៃតងតាមរយៈការគូរគំនូរ ក្រោមប្រធានបទ “ថាមពលបៃតង និងអនាគតកាន់តែប្រសើរ”។

ពួកគាត់បានគូសមេឃពណ៌ខៀវជាមួយនឹងសួនច្បារដ៍ស្រស់ស្អាត ដើមឈើបៃតង រោងម៉ាស៊ីនកិនស្រូវ បន្ទះសូឡា ថ្នាក់រៀនដែលមានពន្លឺភ្លឺ និងជីវិតរីករាយគូសចូលទៅក្នុងគំនូរដែលជាស្នាដៃសិល្បៈរបស់ពួកគាត់ ដោយបង្ហាញពីក្តីសង្ឃឹមរបស់ពួកគាត់សម្រាប់បរិស្ថានស្អាត ថាមពលបៃតង និងអនាគតកាន់តែប្រសើរ។ ស្នាដៃលេចធ្លោត្រូវបានដាក់តាំងបង្ហាញ និងទទួលបានរង្វាន់លើកទឹកចិត្ត រួមជាមួយនឹងសម្ភារៈសិក្សា និងអំណោយតូចៗជាច្រើនទៀត ដើម្បីជាការលើកទឹកចិត្តកុមារឱ្យស្រឡាញ់វិទ្យាសាស្ត្រ និងលើកកម្ពស់ការការពារបរិស្ថាន។

នៅថ្ងៃនៃការបើកដំណើរការសកម្មភាពនេះ ក្រុមហ៊ុនហ៊រទានព្រះសីហនុបានបរិច្ចាគប្រាក់ចំនួន ៥,០០០ ដុល្លារអាមេរិកដល់សាលា ដើម្បីបន្ថែមឧបករណ៍បង្រៀន និងកែលម្អបរិយាកាសសិក្សារបស់សិស្ស ដោយគាំទ្រដល់ការអភិវឌ្ឍការអប់រំក្នុងស្រុកជាមួយនឹងសកម្មភាពជាក់ស្តែង។

នៅក្នុងសុន្ទរកថារបស់តំណាងសាលាបានសម្តែងការអរគុណចំពោះ ក្រុមហ៊ុនហ៊រទានព្រះសីហនុ ចំពោះការយកចិត្តទុកដាក់ជាបន្តបន្ទាប់របស់ខ្លួនចំពោះការអភិវឌ្ឍ និងការគាំទ្រដល់ការអប់រំរបស់សាលាក្នុងរយៈពេលប៉ុន្មានឆ្នាំមកនេះ។ នៅក្នុងសុន្ទរកថារបស់ពថ្នាក់ដឹកនាំនៃក្រុមហ៊ុនហ៊រទានសីហនុវីលផៅវ័រជេនើរេសិនឯ.ក បានសម្តែងក្តីសង្ឃឹមក្នុងការប្រើប្រាស់សាលាជាវេទិកាមួយដើម្បីផ្សព្វផ្សាយថាមពលបៃតង ការផ្តល់មតិសម្រាប់ការអភិរក្សអគ្គិសនី និងផ្សព្វផ្សាយគោលគំនិតការពារបរិស្ថាន ទន្ទឹមនឹងនេះក៏បានសន្យាថានឹងកែលម្អលក្ខខណ្ឌសិក្សា និងចូលរួមចំណែកដល់ការអភិវឌ្ឍការអប់រំក្នុងស្រុកតាមរយៈការបរិច្ចាគផងដែរ។

ប្រាំពីរឆ្នាំនៃភាពជាដៃគូ ការប្តេជ្ញាចិត្តដ៏រឹងមាំ។ ចាប់ពីការចូលសាលារៀនដំបូងរហូតដល់ឥឡូវនេះ ការធ្វើការផ្សព្វផ្សាយវិទ្យាសាស្ត្រ និងជំនួយអប់រំជាប្រចាំ ទិវាបើកទូលាយសាធារណៈរបស់ក្រុមហ៊ុនហ៊រទានសីហនុវីលផៅវ័រជេនើរេសិនឯ.កបានក្លាយជាការបង្អួចដ៏សំខាន់មួយសម្រាប់ទំនាក់ទំនងនិងការផ្លាស់ប្តូរវប្បធម៌រវាងក្រុមហ៊ុន និងសហគមន៍។ សកម្មភាពទាំងនេះមិនត្រឹមតែជួយកុមារឱ្យយល់អំពីអគ្គិសនី និងយកចិត្តទុកដាក់លើការការពារបរិស្ថានប៉ុណ្ណោះទេ ថែមទាំងធ្វើឱ្យសហគមន៍ក្នុងតំបន់មើលឃើញពីការទទួលខុសត្រូវ និងការប្តេជ្ញាចិត្តរបស់សហគ្រាសដែលផ្តល់មូលនិធិដោយប្រទេសចិន ដោយលើកកម្ពស់ការផ្លាស់ប្តូរមិត្តភាពរវាងប្រជាជនចិន និងកម្ពុជា។

នាពេលអនាគត ក្រុមហ៊ុនហ៊រទានសីហនុវីលផៅវ័រជេនើរេសិនឯ.ក នឹងបន្តចាក់ឫសនៅក្នុងសហគមន៍ក្នុងតំបន់ ដោយបន្តអនុវត្តសកម្មភាពដូចជាការធ្វើឱ្យវិទ្យាសាស្ត្រថាមពលមានប្រជាប្រិយភាព ជំនួយអប់រំ និងការផ្លាស់ប្តូរវប្បធម៌ រួមចំណែកដល់ការអភិវឌ្ឍការអប់រំរបស់ប្រទេសកម្ពុជា និងការផ្លាស់ប្តូរបៃតង និងកាបូនទាប ព្រមទាំងអនុវត្តនភាពជាក់ស្តែងដើម្បីធានាបាននូវមិត្តភាពយូរអង្វែង និងអនាគតបៃតង។