ព្រឹត្តិការណ៍«តារាសាគរ សារទរទេសចរសមុទ្រ» នៅខេត្តកោះកុង បានបើកពិធីជាផ្លូវការ និងបានប្រគល់មេដាយដល់កីឡាករជ័យលាភី ក្នុងព្រឹត្តិការណ៍ស្ទូចត្រី អបអរព្រឹត្តិការណ៍តារាសាគរសាទរទេសចរណ៍សមុទ្រ..

ខេត្តកោះកុង បានបើកពិធីជាផ្លូវការនៃព្រឹត្តិការណ៍ “តារាសាគរ សាទរទេសចរណ៍សមុទ្រ” ដែលបានសហការរៀបចំឡើងដោយក្រសួងទេសចរណ៍ និងក្រុមហ៊ុន ខូសថល ស៊ីធី ឌីវេឡុបម៉ិន គ្រុប (Coastal City Development Group Co., Ltd) នៅក្នុងតំបន់វិស្សមកាលតារាសាគរ ស្ថិតនៅតំបន់តារាសាគរ ខេត្តកោះកុង នៅថ្ងៃទី២៨ ខែវិច្ឆិកា ឆ្នាំ២០២៥ កន្លងទៅនេះ ។

ក្នុងពិធីបើកជាផ្លូវការនៃព្រឹត្តិការណ៍ “តារាសាគរ សាទរទេសចរណ៍សមុទ្រ” ក៏មានការអញ្ជើញចូលរួមពីសំណាក់ ឯកឧត្តម វ៉ាហេង ដាវុធ រដ្ឋលេខាធិកា ក្រសួងទេសចរណ៍ តំណាងដ៏ខ្ពង់ខ្ពស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ , លោក អន សុធារិទ្ធិ អភិបាលរង នៃគណះអភិបាលខេត្តកោះកុង , លោក លី ម៉េង ឈិន ប្រធានក្រុមប្រឹក្សាភិបាល នៃក្រុមហ៊ុនលោក លី ម៉េង ឈិន ប្រធានក្រុមប្រឹក្សាភិបាល នៃក្រុមហ៊ុន ខូសថល ស៊ីធី ឌីវេឡុបម៊ិនគ្រុប (Coastal Ciry Development Group) ។

ឯកឧត្ដម វ៉ហេង ដាវុធ រដ្ឋលេខាធិការក្រសួងទេសចរណ៍ បានថ្លែងនៅក្នុងពិធីបើកជាផ្លូវការ នៃព្រឹត្តិការណ៍ “តារាសាគរសាទរទសចរណ៍សមុទ» ថា ការបើកព្រឹត្តិការណ៍នេះ បានធ្វើឡើងនៅលើទឹកដី តារារៈនាទិសនិរតី ក្នុងខេត្តកោះកុង ដែលជាតំបន់ ទេសចរណ៍សមុទ្រ និងភ្នំដ៏ល្អអស្ចារ្យរបស់កម្ពុជា។ ព្រឹត្តិការណ៍ «តារាសាគរសាទរទសចរណ៍សមុទ្រ» គឺជាព្រឹត្តិការណ៍ទេសចរណ៍លើកកម្ពស់ការអភិវឌ្ឍអេកូទេសចរណ៍ប្រកបដោយនិរន្តរភាព បរិយាបន្ន ទំនួលខុសត្រូវ និងការយោគយល់គ្នាទៅវិញទៅមកនៅលើទឹកដី តារារៈនាទិសនិរតី នៃខេត្តកោះកុង។

ឯកឧត្ដម រដ្ឋលេខាធិការក្រសួងទេសចរណ៍ បានជម្រាបជូន ឯកឧត្តម លោកជំទាវ លោក លោកស្រី បានជ្រាបផងដែរថា នៅក្នុងនីតិកាលកន្លងទៅក្រោម ការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់ សម្ដេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹត្តិសភា នៃព្រះរាជាណាចក្រកម្ពុជា និងជាអគ្គមគ្គុទ្ទេសឯក ជាប្រតិបត្តិករឆ្នើម នៃគោលនយោបាយឈ្នះ ឈ្នះ បាន ចាត់ទុកវិស័យទេសចរណ៍ជា «មាសបៃតង» និងបានដាក់ចេញនូវពាក្យស្លោក «ទេសចរណ៏ដើម្បីទាំងអស់គ្ន ទាំងអស់គ្នាដើម្បីទេសចរណ៏»។ ទន្ទឹមនឹងនេះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ក៏បានយកចិត្តទុកដាក់លើគោលនយោបាយរបស់រាជរដ្ឋាភិបាល នីតិកាល ទី៧ ក្រោមការដឹកនាំ ប្រកបដោយ ថាមពល ឈ្លាសវៃ ប៉ិនប្រសប់ និងប្រាកដនិយមរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ដ្រី នៃព្រះរាជាណាចក្រកម្ពុជា បានបន្តចាត់ទុកវិស័យទេសចរណ៍ ជាវិស័យអាទិភាព និងជន្ទល់ សេដ្ឋកិច្ចជាតិដ៏សំខាន់មួយ និងបានដាក់ចេញនូវពាក្យស្លោក «ទេសចរណ៍ រីកលូតលាស់ក្នុងសន្តិភាព» ព្រម ទាំងពាក្យស្លោករបស់មហាគ្រួសារទេសចរណ៏ « ប្រជាជនម្នាក់ជាអ្នកផ្សព្វផ្សាយទេសចរណ៍កម្ពុជាម្នាក់ » ។

ឯកឧត្ដម រដ្ឋលេខាធិការក្រសួងទេសចរណ៍ ក៏សូមថ្លែងអំណរគុណចំពោះការអញ្ជើញចូលរួមរបស់ គណៈប្រតិភូ កីឡាករ សិល្បៈករ វិស័យឯកជន និងសូមជូនពរ សូមទទួលបាននូវភាពសប្បាយរីករាយ និង កក់ក្តៅបំផុតនៅលើទឹកដីតារាសាគរ ខេត្តកោះកុងនៃយើង។ ឯកឧត្ដម ក៏សូមថ្លែងអំណរគុណចំពោះរដ្ឋបាល ខេត្ត កោះកុង អាជ្ញាធរ គណះបញ្ជាការ កងកម្លាំង ស្រុកគិរីសាគរ វិស័យឯកជន និងភាគីពាក់ព័ន្ធដែលបានចូលរួម និងសហការរៀបចំព្រឹត្តិការណ៍នេះឱ្យប្រព្រឹត្តទៅដោយរលូន និងទទួលបានជោគជ័យ។

លោក អន សុធារិទ្ធ អភិបាលរង នៃគណៈអភិបាលខេត្តកោះកុង បានមានប្រសាសន៍ថា លោកពិតជាមានសេចក្តីរីករាយក្រៃលែង ដោយបានមកចូលរួមជាមួយអស់លោក លោកស្រី ភ្ញៀវជាតិ- អន្តរជាតិទាំងអស់ ក្នុងព្រឹត្តិការណ៍ “តារាសាគរ សាទរទេសចរណ៍សមុទ្រ ដែលបានសហការរៀបចំឡើង ដោយក្រសួងទេសចរណ៍ ជាមួយនឹងក្រុមហ៊ុន ខូសថល ស៊ីធី ឌីវេឡុបម៉ិន គ្រុប (Coastal City Development Group Co., Ltd) នៅក្នុងតំបន់វិស្សមកាលតារាសាគរ នាឱកាសដ៏វិសេសវិសាលនេះ។

លោកអភិបាលខេត្តបានបញ្ជាក់ថា ខេត្តកោះកុង មានទីតាំងស្ថិតនៅភាគនិរតី នៃប្រទេសកម្ពុជា មានចម្ងាយ ២៩០គីឡូម៉ែត្រ ពីរាជធានីភ្នំពេញ ខាងកើតជាប់នឹងខេត្តកំពង់ស្ពឺនិងខេត្តព្រះសីហនុ ខាងលិចនិងខាងត្បូងជាប់នឹងឈូងសមុទ្រថៃ និងប្រទេសថៃ ខាងជើងជាប់នឹងខេត្តពោធិ៍សាត់ផងដែរ។

លោកអភិបាលខេត្ត បានបញ្ជាក់ទៀតថា ក្រោមការដឹកនាំដ៏ឈ្លាសវៃប្រកបដោយគតិបណ្ឌិត និងនយោបាយឈ្នះឈ្នះរបស់ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងជាអតីតនាយករដ្ឋមន្តី្រ បានធ្វើឱ្យប្រទេសជាតិទាំងមូល ទទួលបានសន្តិភាពនិងស្ថេរភាពនៅទូទាំងប្រទេស ជាពិសេសធ្វើឱ្យប្រជាពលរដ្ឋទាំងអស់ មានសេចក្ដីត្រេកអរ ទទួលបានសេចក្តីសុខសប្បាយ និងមានឱកាសអភិវឌ្ឍលើគ្រប់វិស័យ។ ក្រោមម្លប់សុខសន្តិភាព រាជរដ្ឋាភិបាលកម្ពុជានីតិកាលទី៧នៃរដ្ឋសភា ក្រោមការដឹកនាំដ៏ឈ្លាសវៃ និងមានចក្ខុវិស័យ វែងឆ្ងាយ របស់ សម្តេចមហាបរវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាននិង កំពុងបន្តការយកចិត្តទុកដាក់ក្នុងការថែរក្សាសុខសន្តិភាព, ការពារបូរណភាពទឹកដី និងជំរុញកិច្ចអភិវឌ្ឍ ប្រទេសជាតិឱ្យកាន់តែរីកចំរើនលើគ្រប់វិស័យ តាមរយៈការដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ដើម្បី កំណើន, ការងារ, សមធ៌ម, ប្រសិទ្ធភាព, និង ប៊ីរភាព សំដៅកសាងមូលដ្ឋានគ្រឹះឆ្ពោះទៅ សម្រេចបាននូវចក្ខុវិស័យកម្ពុជាក្នុងឆ្នាំ២០៣០ ក្លាយជាប្រទេសមានចំណូលមធ្យមកម្រិតខ្ពស់ និងឆ្នាំ ២០៥០ជាប្រទេសដែលមានចំណូលខ្ពស់។ ជាមួយគ្នានេះ រាជរដ្ឋាភិបាលកម្ពុជានីតិកាលទី៧ នៃរដ្ឋសភានេះ បានខិតខំលើកកម្ពស់ និងជំរុញ វិស័យទេសចរណ៍កម្ពុជាឆ្ពោះទៅកាន់អនាគតថ្មី ដោយក្រសួងទេសចរណ៍ បានដាក់ចេញនូវគំនិតផ្ដួចផ្ដើម យុទ្ធសាស្ត្រក្រោមចក្ខុវិស័យអភិវឌ្ឍវិស័យទេសចរណ៍កម្ពុជា ប្រកបដោយគុណភាព ភាពរស់រវើក ភាព ប្រកួតប្រជែង ចីរភាព និងបរិយាបន្ន សំដៅឆ្ពោះទៅកាន់អនាគតថ្មី ដោយឈរលើគោលការណ៍គ្រឹះ «ទេសចរណ៍ផ្សារភា្ជប់ទឹក ដី និងធម្មជាតិ» សំដៅធ្វើឱ្យកម្ពុជា ក្លាយជាគោលដៅទេសចរណ៍សកលឈាន មុខប្រកបដោយភាពសម្បូរបែប ពោរពេញដោយកាលានុវត្តភាព និងភាពកក់ក្ដៅ ក្នុងការរួមចំណែកលើកកម្ពស់កិត្យានុភាព និងភាពធន់របស់កម្ពុជាផងដែរ។

សូមបញ្ជាក់ថា នៅក្នុងពិធីបើកជាផ្លូវការនេះដែរ នារសៀលថ្ងៃទី២៨ ខែវិច្ឆិកា ឆ្នាំ២០២៥ ក៏មានការរៀបចំនូវពិធីប្រគល់មេដាយដល់កីឡាករជ័យលាភី ក្នុងព្រឹត្តិការណ៍ស្ទូចត្រីអបអរព្រឹត្តិការណ៍តារាសាគរសាទរទេសចរណ៍សមុទ្រ នៅតំបន់តារាសាគរ ខេត្តកោះកុង ដែលមានការអញ្ជើញចូលរួមពី លោក ឡោ ធូរ៉ា អគ្គនាយករងគ្រប់គ្រងឧស្សាហកម្មទេសចរណ៍ តំណាង ឯកឧត្តមអគ្គនាយក និងលោក សុខ វណ្ណា ប្រធាននាយកដ្ឋានគ្រប់គ្រងសេវាកម្សាន្ត និងកីឡាទេសចរណ៍ ដើម្បីប្រគល់មេដាយដល់កីឡាករជ័យលាភីក្នុងព្រឹត្តិការណ៍ស្ទូចត្រីអបអរព្រឹត្តិការណ៍តារាសាគរសាទរទេសចរណ៍សមុទ្រ ។

ព្រឹត្តិការណ៍នៅតាមតំបន់ឆ្នេរ គឺរួមគ្នា អភិរក្សការពារធនធានធម្មជាតិសមុទ្រ និងថែរក្សាបរិស្ថានឆ្នេរឲ្យបានស្អាត ដើម្បីបម្រើដល់ការអភិវឌ្ឍន៍ទេសចរណ៍ប្រកបដោយចិរភាពនិងការទទួលខុសត្រូវ។ លើកតម្កើងការផ្សព្វផ្សាយគោលដៅទេសចរណ៍តំបន់ឆ្នេរកម្ពុជាឱ្យកាន់តែទូលំទូលាយទាក់ទាញទេសចរជាតិ និងអន្តរជាតិ មកទស្សនាកាន់តែច្រើន៕