ក្រសួងព័ត៌មាន សហការជាមួយក្រុមគ្រូពេទ្យភ្នែក គៀនឃ្លាំង ធ្វើការពិនិត្យភ្នែក និងវាស់កាត់វ៉ែនតា ជូនដល់ថ្នាក់ដឹកនាំ ទីប្រឹក្សា ជំនួយការ មន្ត្រីរាជការ និងមន្ត្រីជាប់កិច្ចសន្យា ដោយឥតគិតថ្លៃ ក្នុងគោលបំណងថែទាំសុខភាពភ្នែក ដើម្បីអនុវត្តការងារប្រចាំថ្ងៃឱ្យកាន់តែប្រសើរឡើង និងមានប្រសិទ្ធភាពខ្ពស់

(ភ្នំពេញ)៖ ក្រសួងព័ត៌មាន និងក្រុមគ្រូពេទ្យភ្នែក គៀនឃ្លាំង សហការគ្នាក្នុងការរៀបចំពិធី ពិនិត្យភ្នែក និងវាស់កាត់វ៉ែនតា ជាប្រភេទវ៉ែនតា ការពារកុំព្យូទ័រ វ៉ែនតាមីញ៉ូប និងវ៉ែនតាសម្រាប់អានអក្សរ ជូនដល់ថ្នាក់ដឹកនាំ និងមន្ត្រីរាជការក្រសួងព័ត៌មាន ដោយឥតគិតថ្លៃ ។

ពិធីនេះបានធ្វើឡើងនៅព្រឹកថ្ងៃទី២៩ ខែវិច្ឆិកា ឆ្នាំ២០២៥ សាលមណ្ឌលបណ្តុះបណ្តាលនិងវិក្រឹតការវិជ្ជាជីវៈសារព័ត៌មាន ទីស្តីការក្រសួង ក្រោមអធិបតីភាព ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន និងមានការអញ្ជើញចូលរួមពី ឯកឧត្តម ជា ណារ៉េត រដ្ឋលេខាធិការក្រសួងធម្មការ និងសាសនា និង
លោក ចក្ខុបណ្ឌិត ប៉ាង សាម៉ន ប្រធានគ្រូពេទ្យ គៀនឃ្លាំង ។
កម្មវិធីពិនិត្យភ្នែក និងវាស់កាត់វ៉ែនតា ជាប្រភេទវ៉ែនតា ការពារកុំព្យូទ័រ វ៉ែនតាមីញ៉ូប និងវ៉ែនតាសម្រាប់អានអក្សរ ជូនដល់ថ្នាក់ដឹកនាំ ទីប្រឹក្សា ជំនួយការ មន្ត្រីរាជការគ្រប់លំដាប់ថ្នាក់ និងមន្ត្រីជាប់កិច្ចសន្យា ថ្នាក់ដឹកនាំ និងមន្ត្រីរាជការក្រសួងព័ត៌មាន ដោយឥតគិតថ្លៃ នាឱកាសនេះ ផក្នុងគោលបំណងផ្តោតសំខាន់លើការថែទាំសុខភាពភ្នែក ដើម្បីអនុវត្តការងារប្រចាំថ្ងៃឱ្យកាន់តែប្រសើរឡើង និងមាន ប្រសិទ្ធភាពខ្ពស់ ៕