ប្រធានមន្ទីរអប់រំខេត្តកំពតរំពឹងថាសិស្សជាប់ច្រើន ខណៈដែលដំណើរការប្រឡងបាក់ឌុបប្រព្រឹត្តទៅដោយរលូន

ប្រធានមន្ទីរអប់រំ យុវជន និងកីឡាខេត្តកំពត បានបញ្ជាក់ថា សម្រាប់ទិដ្ឋភាពទូទៅនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៨ សីហា ២០២៥  រយៈពេល ១ថ្ងៃកន្លះមកនេះ មានភាពល្អប្រសើរគ្មានអ្វីគួរឱ្យកត់សំគាល់ទេ ទាំងការរៀបចំការប្រឡង ការចូលរួមរបស់សិស្ស និងអាណាព្យាបាល ពិសេសមានការចូលរួមឧត្តម្ភគាំទ្រ លើកទឹកចិត្តពីអាជ្ញាធរយ៉ាងល្អប្រសើរទៀតផង។ លោករំពឹងថាសិស្សខេត្តខេត្តកំពតឆ្នាំនេះនឹសងប្រឡងជាប់ក្នុងអត្រាខ្ពស់ជាងឆ្នាំមុន ។

លោកប្រធានមន្ទីរក៏បានថ្លែងអំណរគុណដល់អាជ្ញាធរខេត្ត ពិសេសដល់ថ្នាក់ដឹកនាំ ក៏ដូចជាក្រសួងដែលតែងតែជំរុញលើកទឹកចិត្ត ផ្តល់វគ្គបណ្តុះបណ្តាលមុនពេលប្រឡង និងផ្តល់រង្វាន់លើកចិត្ត ពិសេសអាហាររូបករណ៍ដល់សិស្សានុសិស្សខេត្តកំពតក្រោយពេលប្រឡងបាក់ឌុបជាប់។

ចំណែកសិស្សានុសិស្សក៏បានបង្ហាញក្តីសង្ឃឹមរបស់ខ្លួនដែរថា ក្រោយប្រឡងបាន១ថ្ងៃកន្លះមកនេះ ពួកគេជឿងថាខេត្តកំពតនឹងមានបេក្ខជនជាប់ច្រើន និងថាសិស្សខេត្តកំពតពិតជាមានសំណាងជាងខេត្តផ្សេងៗព្រោះមាននថ្នាក់ដឹកនាំចាំជួយលើកទឹកចិត្តជានិច្ច ។

ខេត្តកំពតមានមណ្ឌលប្រឡង ១០មណ្ឌល ស្នើ២១៣បន្ទប់ ក្នុងនោះថ្នាក់វិទ្យាសាស្ត្រមាន៣មណ្ឌលស្នើ ៥៥បន្ទប់ ថ្នាក់វិទ្យាសាស្ត្រសង្គមមាន៧មណ្ឌល ១៥៨បន្ទប់ ដែលមានបេក្ខជនសរុប ៥,២៥៧នាក់ ក្នុងនោះស្រី ២.៩៦៨នាក់៕

អត្ថបទ និងរូបភាព៖ មន្ទីរព័ត៌មានខេត្តកំពត