អតីតស្ត្រីទ១របស់កូរ៉េខាងត្បូងនិងអតីតនាយករដ្ឋមន្ត្រីកូរ៉េលោក Han ត្រូវជាប់ចោទពីបទជម្រុញឱ្យលោក Yoon ប្រើប្រាស់ច្បាប់អាជ្ញាសឹក

អតីតស្រ្តីទីមួយរបស់ប្រទេសកូរ៉េខាងត្បូងលោកស្រី Kim Keon Hee និងអតីតនាយករដ្ឋមន្ត្រី Han Duck-soo ត្រូវបានជាប់ចោទពីបទអំពើពុករលួយ និងឃុំឃិតជម្រុញឲ្យប្រើប្រាស់ច្បាប់អាជ្ញាសឹក បន្ទាប់ពីការស៊ើបអង្កេតពិសេសដែលធ្វើឡើងនៅថ្ងៃសុក្រនេះ និង បន្ទាប់ពីការបណ្តេញអតីតប្រធានាធិបតីដែលជាស្វាមីរបស់លោកស្រីដែរ ។ ភរិយារបស់អតីតប្រធានាធិបតីដែលកំពុងជាប់ពន្ធនាគារនាពេលនេះគឺលោក Yoon Suk Yeol ត្រូវបានចោទប្រកាន់ពីបទរំលោភលើទីផ្សារហិរញ្ញវត្ថុ និងច្បាប់មូលនិធិនយោបាយ និងទទួលសំណូកប្រហែលពីរសប្តាហ៍បន្ទាប់ពីតុលាការបានចេញដីកាចាប់ខ្លួនលោកស្រី។ មិនតែប៉ុណ្ណោះអតីតនាយករដ្ឋមន្រ្តី Han ត្រូវបានគេចោទប្រកាន់ពីបទញ៉ុះញ៉ុងឲ្យប្រើច្បាប់អាជ្ញាសឹករបស់លោក Yoon ជាស្វាមី ដែលក្រុមអ្នកស៊ើបអង្កេតនិយាយថាជាសកម្មភាពបះបោរ ហើយក៏មានការ ក្លែងបន្លំ និងបំផ្លាញឯកសារផ្លូវការ និងភូមកុហកក្រោមពាក្យសម្បថរបស់ពួកគេដែរ។ ការស៊ើបអង្កេតរបស់រដ្ឋអាជ្ញាពិសេសចំនួនបី ត្រូវបានចាប់ផ្តើមនៅក្រោមរដ្ឋាភិបាលរបស់ប្រធានាធិបតីសេរីលោក Lee Jae Myung ដែលបានកំណត់គោលដៅធ្វើជាប្រធានាធិបតីរបស់លោក Yoon និងសកម្មភាពដែលបានធ្វើឡើងដើម្បីដាក់ចេញច្បាប់អាជ្ញាសឹកកាលពីខែធ្នូឆ្នាំមុន។ រដ្ឋមន្ត្រីក្រសួងការពារជាតិ មេបញ្ជាការយោធា និងមន្ត្រីប៉ូលិសរបស់ Yoon ក៏ត្រូវបានគេចាប់ខ្លួនដែរពីបទជាប់ពាក់ព័ន្ធនឹងច្បាប់អាជ្ញាសឹកនេះ។ សូមបញ្ជាក់ថាលោក Yoon ត្រូវបានគេដកចេញពីតំណែងកាលពីខែមេសា ហើយត្រូវបានចាប់ខ្លួនឡើងវិញកាលពីខែមុនដែរ ជុំវិញការប្រើច្បាប់អាជ្ញាសឹកកាលពីខែធ្នូឆ្នាំ២០២៤។ ចំណែកឯលោកស្រី Kim និងលោក Yoon វិញត្រូវបានគេសង្ស័យថាបានបញ្ចេញឥទ្ធិពលហួសព្រំដែនលើគណបក្ស អភិរក្សអំណាចប្រជាជន ដើម្បីតែងតាំងបេក្ខជនផ្សេងទៀតនៅក្នុងការបោះឆ្នោតនីតិបញ្ញត្តិកាលពីឆ្នាំ ២០២២ ដែលត្រូវបានគេចោទប្រកាន់តាមសំណើរបស់គណៈកម្មការកណ្តាលដែលរៀបចំការបោះឆ្នោតតាមរយៈលោក Myung Tae-kyun ។ លោក Myung ក៏បានប្រឈមមុខនឹងការចោទប្រកាន់ថាបានធ្វើការស្ទង់មតិយោបល់ដោយមិនថ្លឹងថ្លែងសម្រាប់លោក Yoon ដោយប្រើប្រាស់ទិន្នន័យដែលបានរៀបចំជួយលោកឱ្យឈ្នះការបោះឆ្នោតបឋមរបស់គណបក្សរបស់លោកដែរ មុនពេលមានបោះឆ្នោតជ្រើសរើសប្រធានាធិបតីនៅកូរ៉េ។ មកដល់ពេលនេះលោកស្រី Kim បានសុំអភ័យទោសដល់ប្រជាជនកូរ៉េចំពោះការបង្កក្តីភាពលំបាកជាសាធារណៈកាលពីដើមខែនេះ ប៉ុន្តែលោកស្រីនៅតែបដិសេធរាល់ការចោទប្រកាន់នានាមកលើរូបលោកស្រីដដែល៕

សម្រួលអត្ថបទ៖ សុផារិន្ទ