«អ្នកចេះ គឺជាប់» ប្អូនៗបេក្ខជន ត្រូវប្រកាន់ខ្ជាប់ឲ្យបាន និងខិតខំប្រឹងប្រែងឱ្យអស់ពីសមត្ថភាព ដើម្បីក្តាប់ឱកាសកំណត់ផ្លូវជីវិតរបស់ខ្លួន

នៅក្នុងថ្ងៃកាត់វិញ្ញាសារសម័យប្រឡង សញ្ញាបត្រមធ្យមសិក្សាទុតិយភូមិ ឆ្នាំ២០២៥-២០២៦ សម្រាប់ខេត្តក្រចេះ នាថ្ងៃទី ២៨ ខែ សីហា ឆ្នាំ ២០២៥ ឯកឧត្តម វ៉ា ថន អភិបាលខេត្តក្រចេះ បាន ណែនាំនិងជំរុញដល់ប្អូនៗជាបេក្ខជនប្រឡងទាំងអស់ ត្រូវតែយកចិត្តទុកដាក់ខិតខំធ្វើឱ្យបានល្អត្រឹមត្រូវនូវវិញ្ញាសារនីមួយៗ ឱ្យអស់ពីសមត្ថភាព ដោយត្រូវគោរពឱ្យបានខ្ជាប់ខ្ជួននូវបទប្បញ្ញត្តិ និងបទបញ្ជាផ្ទៃក្នុងនៃការប្រឡង មិនត្រូវបង្កការរំខាននៅក្នុងបន្ទប់ ឬក៏លួចមានព្រីយ៉ុង ពិសេសមិនត្រូវចម្លងគ្នានោះឡើយ ដោយត្រូវប្រកាន់យកនូវគោលការណ៍ «អ្នកចេះ គឺជាប់» ។

ឯកឧត្តម វ៉ា ថន បន្តថា ប្អូនៗក្មួយៗគឺជាធនធានដ៏ល្អ ជាទីពឹងផ្នែកសម្រាប់ប្រទរសជាតិត នាពេលអនាគត់ ដូច្នេះហើយក្រោយពេលទទួលលទ្ធផលប្រឡងជាប់ ត្រូវបន្តការសិក្សានៅសកលវិទ្យា ល័យបន្តទៀត ដើម្បីទទួលបានចំនេះដឹង ជំនាញដែលខ្លួនស្រឡាញ់ ។ ដូច្នេះហើយត្រូវរៀនរៀបខ្លួនឲ្យល្អសាកសមជាទំពាំងស្នងឫស្សី ជាសសរទ្រូងប្រទេសជាតិ និងជាគោលបំណងរបស់ប្រមុខរាជរដ្ឋាភិ បាល បានខិតខំយកចិត្តទុកដាក់ខ្ពស់ ក្នុងការធ្វើកំណែទម្រង់ឲ្យកាន់តែស៊ីជម្រៅ លើវិស័យអប់រំនៅ កម្ពុជា ឲ្យប្រកបដោយគុណភាព និងសមត្ថភាពឌីជីថល ក្នុងការបម្រើការងារ និងជួយអភិវឌ្ឍប្រទេសជាតិ ។ និងសូមជូនពរដល់ប្អូនៗក្មួយៗបេក្ខជន ដែលបានមកប្រឡង សូមឲ្យជាប់គ្រប់ៗគ្នាផងដែរ ។

គូសបញ្ជាក់ដែរថា ៖ តាមរបាយការណ៍របស់មន្ទីរអប់រំ យុវជន និងកីឡាខេត្ត ខេត្តក្រចេះមានមណ្ឌលប្រឡងចំនួន ៥មណ្ឌល គឺ-មណ្ឌលវិទ្យាសាស្ត្រ ២ និងមណ្ឌលវិទ្យាសាស្ត្រសង្គម ៣ ស្មើនឹង ១០៦ បន្ទប់ ក្នុងនោះបេក្ខជនសរុប ២.៦១៧នាក់ ស្រី ១.៤៥៦នាក់ ហើយក្នុងនោះដែរ បេក្ខជនស្វ័យ រិនចំនួន ២៩១នាក់ ស្រី១៤៦នាក់ -ថ្នាក់វិទ្យាសាស្ត្របេក្ខជនសរុបចំនួន ៩១៤នាក់ ស្រី៥៥៣ នាក់ និងថ្នាក់វិទ្យាសាស្ត្រសង្គមបេក្ខជន សរុបចំនួន១.៧០៣ នាក់ ស្រី ៩០៣ នាក់ និងមានគណៈមេប្រយោគ ៣៥៥ នាក់ ស្រី ១៤៦ នាក់ ។ ក្នុងនោះមាន-មណ្ឌលវិទ្យាល័យសម្តេចតេជោ ហ៊ុន សែន ក្រុងក្រចេះ-មណ្ឌលវិទ្យាល័យ ព្រះមហាក្សត្រិយានីកុសុមៈ -មណ្ឌលវិទ្យាល័យ ខូវ ប៊ុនស៊ុន ក្រចេះក្រុង និង-មណ្ឌល សាកល់វិទ្យាល័យក្រចេះ ៕