ឯកឧត្តម ជុំ កុសល រដ្ឋលេខាធិការក្រសួងព័ត៌មាន អញ្ជើញដឹកនាំកិច្ចប្រជុំពិគ្រោះយោបល់ប្រមូលធាតុចូល និងកំណត់លក្ខខណ្ឌវាយតម្លៃអង្គភាព ចំណុះក្រសួងព័ត៌មាន ទាំងថ្នាក់ជាតិ និងថ្នាក់ក្រោមជាតិ

( ភ្នំពេេញ )៖ កិច្ចប្រជុំពិគ្រោះយោបល់ប្រមូលធាតុចូល និងកំណត់លក្ខខណ្ឌវាយតម្លៃអង្គភាព ចំណុះក្រសួងព័ត៌មាន ទាំងថ្នាក់ជាតិ និងថ្នាក់ក្រោមជាតិ បានធ្វើឡើងនៅព្រឹកថ្ងៃទី២៧ ខែសីហា ឆ្នាំ២០២៥ នាសាលប្រជុំព្រះវិហារ ទីស្តីការក្រសួង ក្រោមអធិបតីភាព ឯកឧត្តម ជុំ កុសល រដ្ឋលេខាធិការក្រសួងព័ត៌មាន ។

កិច្ចប្រជុំនាឱកាសនេះ មានការអញ្ជើញចញលរួមពី ឯកឧត្តម លោកជំទាវ អនុរដ្ឋលេខាធិការ ទទួលបន្ទុកមន្ទីរព័ត៌មានរាជធានី-ខេត្តទាំង២៥ ,ឯកឧត្តម លោកជំទាវ អគ្គនាយក អគ្គនាយិកា នៃអគ្គនាយកដ្ឋានទាំង៥ ចំណុះក្រសួងព័ត៌មាន ។

ឯកឧត្តម ជុំ កុសល បានគូសបញ្ជាក់ថា កិច្ចប្រជុំនាឱកាសនេះ ដើម្បីប្រមូលធាតុចូលពី  ឯកឧត្តម លោកជំទាវ អនុរដ្ឋលេខាធិការ ទទួលបន្ទុកមន្ទីរព័ត៌មានរាជធានី-ខេត្តទាំង២៥ ឯកឧត្តម លោកជំទាវ អគ្គនាយក អគ្គនាយិកា នៃអគ្គនាយកដ្ឋានទាំង៥ ចំណុះក្រសួងព័ត៌មាន ដើម្បីធ្វើការពិនិត្យរួចហើយ ដាក់ជូនទៅគណៈកម្មាធិការវាយតម្លៃសម្រេចចេញជាលក្ខខណ្ឌនៃការវាយតម្លៃ អង្គភាព ចំណុះក្រសួងព័ត៌មាន ទាំងថ្នាក់ជាតិ និងថ្នាក់ក្រោមជាតិ ហើយឈានទៅធ្វើការដាក់ពិន្ទុកទៅលើអង្គភាព នៅថ្នាក់ជាតិ និងក្រោមជាតិក្នុងមួយឆ្នាំម្តង ដោយមានការផ្តល់រង្វាន់លើកចិត្តថែមទៀតផងដល់អង្គភាពដែលអនុវត្តន៍កិច្ចការងារបានល្អជាងគេ។ 

ឯកឧត្តម រដ្ឋលេខាធិការ ជុំ កុសល បានថ្លែងនូវការអរគុណដល់ ឯកឧត្តម លោកជំទាវ ទាំងអស់ ដែលបានផ្តល់នូវមតិយោបល់ និងធាតុចូលសំខាន់ៗជាច្រើន ដើម្បីដកស្រង់យកទៅដាក់ជូនគណៈកម្មាធិការវាយតម្លៃធ្វើការចងក្រងទុកសម្រាប់អនុវត្តន៍ឲ្យមានប្រសិទ្ធិភាពល្អ ៕