កម្ពុជាចាប់ផ្តើមនាំចេញផ្លែឈើក្រៀម និងផលិតផលកែច្នៃទៅអូស្ត្រាលី ដើម្បីពង្រីកទីផ្សារពិភពលោក
នាថ្ងៃទី១៤ សីហា ២០២៥ ប្រទេសកម្ពុជា និងអូស្ត្រាលី បានអបអរសាទរកំណើនទំនាក់ទំនងពាណិជ្ជកម្មរវាងប្រទេសទាំងពីរ ខណៈក្រុមហ៊ុន រ៉ូយ៉ាល់ ត្រាស់ ត្រេឌីង ខូ អិលធីឌី (RTT) បានបើកការនាំចេញផលិតផលគ្រាប់ធញ្ញជាតិ និងផ្លែឈើក្រៀមទៅកាន់ទីផ្សារអូស្ត្រាលី។
ក្នុងពិធីបើកការនាំចេញថ្មី ឯកឧត្តម ឯកអគ្គរដ្ឋទូត យីប បានចូលរួមជាមួយក្រុមហ៊ុន RTT ដើម្បីបញ្ជូនផលិតផលចំនួន ១២ តោន ទៅកាន់ប្រទេសអូស្ត្រាលី ដែលមានផ្លែឈើក្រៀមដូចជា គ្រាប់ស្វាយចន្ទី ក្រៀម ចេក ក្រៀម ខ្នុរ ក្រៀម និង ត្រាវ ក្រៀម។ ការនាំចេញនេះ គឺជាជំហានដំបូង ហើយនឹងមានការនាំចេញបន្ថែមក្នុងពេលខាងមុខ។
ភាពជោគជ័យនេះ សម្រេចបានក្រោមការគាំទ្រពីប្រទេសអូស្ត្រាលី តាមរយៈកម្មវិធី ភាពជាដៃគូ កម្ពុជា–អូស្ត្រាលី សម្រាប់ការអភិវឌ្ឍសេដ្ឋកិច្ចប្រកបដោយភាពធន់ (CAPRED)។ ក្រោមកម្មវិធីនេះ អូស្ត្រាលីបានជួយដល់អាជីវកម្ម និងកសិពាណិជ្ជកម្មកម្ពុជា ក្នុងការកែច្នៃផលិតផលក្នុងស្រុក បង្កើនអត្តសញ្ញាណ និងភ្ជាប់ទៅកាន់ទីផ្សារថ្មីដែលមានតម្លៃខ្ពស់ ដូចជា អូស្ត្រាលី។
ការនាំចេញនេះ មិនត្រឹមតែបង្កើនប្រាក់ចំណូល និងបង្កើតការងារថ្មីសម្រាប់ប្រជាពលរដ្ឋទេ ប៉ុន្តែថែមទាំងជួយបន្ថែមតម្លៃផលិតផល និងជំរុញកំណើនសេដ្ឋកិច្ចរឹងមាំ សម្រាប់ប្រទេសកម្ពុជា។
