គម្រោងមជ្ឈមណ្ឌលទិន្នន័យក្រោមទឹកនៃពាណិជ្ជកម្មដើរដោយថាមពលខ្យល់ដំបូងគេរបស់ពិភពលោក បានបើកដំណើរការហើយនៅទីក្រុងសៀងហៃ

ប្រទេសចិនបានបោះជំហានយ៉ាងមុតមាំមួយទៀតហើយឆ្ពោះទៅរកហេដ្ឋារចនាសម្ព័ន្ធកុំព្យូទ័របៃតង ជាមួយនឹងការដាក់ឱ្យដំណើរការជាផ្លូវការនូវគម្រោងមជ្ឈមណ្ឌលទិន្នន័យក្រោមទឹកពាណិជ្ជកម្ម ឬ(UDC) ដំបូងបង្អស់របស់ពិភពលោកដែលដំណើរការដោយកសិដ្ឋានខ្យល់នៅឯនាយសមុទ្រក្នុងទីក្រុងសៀងហៃកាលពីថ្ងៃអង្គារនេះ។ គម្រោងនេះត្រូវបានផ្តួចផ្តើមឡើងនៅក្នុងដែនទឹកឆ្នេរសមុទ្រសៀងហៃ ក្បែរតំបន់ពិសេស Lin-gang នៃប្រទេសចិន (សៀងហៃ) Pilot Free Trade Zone ដើម្បីត្រួសត្រាយផ្លូវទឹកនៃទីតាំងរួមថាមពលកកើតឡើងវិញ និងហេដ្ឋារចនាសម្ព័ន្ធកុំព្យូទ័រ ដើម្បីដោះស្រាយតម្រូវការសកលសម្រាប់ដំណោះស្រាយប្រព័ន្ទកុំព្យូទ័រដែលមានកាបូនទាប។ គណៈកម្មាធិការរដ្ឋបាលនៃតំបន់ពិសេស Lin-gang នៃប្រទេសចិន (សៀងហៃ) Pilot Free Trade Zone, Shanghai Lingang Special Area Investment Holding Group Co., Ltd., និង Shanghai Hicloud Technology Co., Ltd. បានចុះហត្ថលេខាលើកិច្ចព្រមព្រៀងសហប្រតិបត្តិការត្រីភាគីកាលពីថ្ងៃអង្គារដោយកត់សម្គាល់នូវការដែលចាប់ផ្តើមជាផ្លូវការនៃគម្រោងនេះដែរ។ លោក Chen Jinshan ប្រធានគណៈកម្មាធិការរដ្ឋបាលនៃតំបន់ពិសេស Lin-gang នៃប្រទេសចិន (សៀងហៃ) Pilot Free Trade Zone បាននិយាយថា គម្រោង Lingang បង្កើតគំរូថ្មីសម្រាប់ UDCs ដោយប្រាថ្នាចង់ក្លាយជាគោលដៅសម្រាប់ថាមពលកុំព្យូទ័របៃតងរបស់ពិភពលោក។ លោកបាននិយាយថា “ការបញ្ចូលគ្នានៃហេដ្ឋារចនាសម្ព័ន្ធកុំព្យូទ័រដែលមានគុណភាពថ្មី និងសេណារីយ៉ូដែលត្រៀមរួចជាស្រេចមានទាំង AI ស្របទៅនឹងគោលដៅរបស់យើងក្នុងការពង្រឹងជំហររបស់ Lingang ជាមជ្ឈមណ្ឌលសកលសម្រាប់លំហូរទិន្នន័យឆ្លងព្រំដែន កុំព្យូទ័រ AI និងការតភ្ជាប់ដ៏ឆ្លាតវៃដែរ។ យោងតាមកិច្ចព្រមព្រៀង Hicloud នឹងដាក់ទុនវិនិយោគដំបូងចំនួន 1.6 ប៊ីលានយន់ (ប្រហែលជា 222.7 លានដុល្លារអាមេរិក) ដល់គម្រោងចំនួនពីរដំណាក់កាល ដែលគេស្គាល់ថាជាគម្រោង Shanghai Lingang UDC ដើម្បីបង្កើតចង្កោមទិន្នន័យក្រោមទឹក 24 មេហ្គាវ៉ាត់ (MW) រួមបញ្ចូលថាមពលកកើតឡើងវិញ ទិន្នន័យត្រជាក់កម្រិតខ្ពស់ និងសមត្ថភាពគ្រប់គ្រងទូទៅនៃពពក។ ប្រព័ន្ធត្រជាក់ក្នុងទឹកសមុទ្រធម្មជាតិរបស់ UDC អាចកាត់បន្ថយការប្រើប្រាស់ថាមពលទូរទឹកកកពី 40-50 %នៃការប្រើប្រាស់ថាមពលសរុបមកនៅក្រោម ១០% ដោយកាត់បន្ថយការប្រើប្រាស់ថាមពលសរុបពី ៣០ ទៅ ៤០%បើប្រៀបធៀបទៅនឹងសមភាគីដែលមានមូលដ្ឋានលើដីស្រាប់។ លើសពីនេះ វានឹងកាត់បន្ថយការប្រើប្រាស់ដី ដោយដោះស្រាយបញ្ហារួមនៃកង្វះធនធានដីធ្លី ដែលប្រឈមនឹងការដាក់ពង្រាយដីធ្លីដែរ ជាមួយនឹងការបង្កើនល្បឿននៃបដិវត្តន៍ AI ប្រទេសចិនមានគោលបំណងជំរុញថាមពលកុំព្យូទ័រសរុបរបស់ប្រទេសឱ្យបានជាង៣០%នៅឆ្នាំ ២០២៥ នេះបើយោងតាមផែនការដែលចេញផ្សាយដោយនាយកដ្ឋានរដ្ឋាភិបាលចំនួន៦ ក្នុងខែតុលា ឆ្នាំ ២០២៣។ ផែនការនេះក៏បានកំណត់គោលដៅសម្រាប់ថាមពលកុំព្យូទ័រសរុបរបស់ប្រទេសចិនដើម្បីឈានទៅដល់ ៣០០ EFLOPS នៅឆ្នាំ ២០២៥ ដោយគ្រោងគូរលើពពក DC នៅឆ្នាំ ២០២៥។ Lingshui ជាខេត្តកោះនៅ Hainan ភាគខាងត្បូងប្រទេសចិន ដែលត្រូវបានចាត់ទុកថាជាទីតាំងដ៏សំខាន់មួយក្នុងដំណើរស្វែងរករបស់ប្រទេសចិនក្នុងការទាញយកធនធានសមុទ្រសម្រាប់ថាមពលកុំព្យូទ័រជំនាន់ក្រោយៗបានយ៉ាងងាយ៕

សម្រួលអត្ថបទ៖ Borinika Sopharin Em