នាថ្ងៃទី២៦ ខែឧសភា ឆ្នាំ២០២៦ រដ្ឋបាលខេត្តព្រះសីហនុ បានរៀបចំកិច្ចប្រជុំអនុគណៈកម្មាធិការវិនិយោគខេត្តព្រះសីហនុ ដើម្បីពិនិត្យ និងអនុម័តលើសំណើសុំចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់ (គ.ល.គ.) ចំនួន ៥ គម្រោង។
កិច្ចប្រជុំនេះ ដឹកនាំដោយ លោក ឡុង ឌីម៉ង់ អភិបាលរងខេត្ត និងជាតំណាងដ៏ខ្ពង់ខ្ពស់របស់ ឯកឧត្តម ម៉ាង ស៊ីណេត អភិបាលខេត្តព្រះសីហនុ។
គម្រោងវិនិយោគទាំង ៥ រួមមាន
១.រោងចក្រផលិតក្តារបន្ទះ MU.YU DECORATION MATERIAL CO., LTD. នៅភូមិអូរឧកញ៉ាហេង សង្កាត់អូរឧកញ៉ាហេង ក្រុងកំពង់សោម
២. រោងចក្រកែច្នៃលោហធាតុ ដែក និងប្លាស្ទិក D.B. GOLD IMPORT & EXPORT CO., LTD. នៅភូមិតាអោងធំ ឃុំសាមគ្គី ស្រុកព្រៃនប់
៣. រោងចក្រផលិតក្តារបន្ទះ CAMBODIAN DONGDA WOOD CO., LTD. នៅភូមិទួលទទឹង១ ឃុំទួលទទឹង ស្រុកព្រៃនប់
៤. រោងចក្រផលិត និងផ្គុំដំឡើងបរិក្ខារដឹកជញ្ជូនរុញដោយដៃ និងបរិក្ខារសម្រាប់បោះជំរុំ HONGRUNFA (CAMBODIA) MACHINERY CO., LTD. នៅភូមិអូរចំណារ សង្កាត់អូរឧកញ៉ាហេង ក្រុងកំពង់សោម
៥. រោងចក្រផលិតបំពង់ដែកគ្រប់ប្រភេទ ស័ង្កសី និងសម្ភារៈសំណង់បន្ទាប់បន្សំ JINDELE TECHNOLOGY PIPE INDUSTRY CO., LTD. ស្ថិតនៅភូមិ១ សង្កាត់លេខ១ ក្រុងព្រះសីហនុ។
គម្រោងវិនិយោគទាំង ៥ នេះ ត្រូវឆ្លងកាត់ការវាយតម្លៃយ៉ាងម៉ត់ចត់ ដើម្បីធានាឲ្យបាននូវតុល្យភាពរវាងការអភិវឌ្ឍសេដ្ឋកិច្ច និងការការពារបរិស្ថាន-សង្គមប្រកបដោយនិរន្តរភាព។
ស្របគ្នានេះ លោកអភិបាលរង បានឱ្យតំណាងក្រុមហ៊ុនទាំងអស់លើកឡើងពីបញ្ហាប្រឈមនានាដែលរំខានដល់ការអនុវត្តគម្រោង ព្រមទាំងសំណូមពរឱ្យបន្តទាក់ទាញអ្នកវិនិយោគដទៃទៀតឱ្យងាកមកបណ្តាក់ទុននៅកម្ពុជាបន្ថែមទៀត៕
ប្រភព៖ រដ្ឋបាលខេត្តព្រះសីហនុ
