សម្តេចធិបតី ហ៊ុន ម៉ាណែត អះអាងថា៖ កម្ពុជាមិនរាថយនឹងបន្តចាត់ចែងរឿងក្តីប្រាសាទតាមាន់ ប្រាសាទតាមាន់តូច ប្រាសាទតាក្របី និងតំបន់មុំបីទៅ ICJ ដោយជំរុញតាមផ្លូវច្បាប់ និងដោះស្រាយដោយសន្តិវិធី

សម្តេចធិបតី ហ៊ុន ម៉ាណែត អះអាងថា៖ កម្ពុជាមិនរាថយនឹងបន្តចាត់ចែងរឿងក្តីប្រាសាទតាមាន់ ប្រាសាទតាមាន់តូច ប្រាសាទតាក្របី និងតំបន់មុំបីទៅ ICJ ដោយជំរុញតាមផ្លូវច្បាប់ និងដោះស្រាយដោយសន្តិវិធី

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានបញ្ជាក់ថា៖ នៅថ្ងៃទី ១ កក្កដា ២០២៥នេះ សម្តេចបានជួបជាមួយលោកសាស្ត្រាចារ្យ សង់ ម៉ាក់សូរែល (Jean-Marc Sorel) ដើម្បីពិភាក្សាពីការបន្តនីតិវិធីរបស់កម្ពុជា ក្នុងការនាំយករឿងក្តីពាក់ព័ន្ធនឹងប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ)។

សម្តេចបានលើកឡើងថា លោកសាស្ត្រាចារ្យសង់ ម៉ាក់សូរែល គឺជាសមាជិកសំខាន់ក្នុងក្រុមទីប្រឹក្សាច្បាប់និងមេធាវីអន្តរជាតិ ដែលធ្លាប់ជួយអោយកម្ពុជាបានជោគជ័យក្នុងរឿងក្តីបកស្រាយសាលក្រមប្រាសាទព្រះវិហារ ក្រោមការអន្តរាគមន៍របស់តុលាការ ICJ ក្នុងឆ្នាំ ២០១១-២០១៣។

សម្តេចធិបតីបានបញ្ជាក់ថា កម្ពុជាមិនរាថយនឹងការទាមទារនិងការជម្រះវិវាទតាមច្បាប់អន្តរជាតិឡើយ ទាក់ទងនឹងប្រាសាទទាំងនេះ។ ការចូលរួមពិភាក្សាជាមួយជំនាញអន្តរជាតិក្នុងវិស័យច្បាប់ គឺជាចំណងជើងច្បាស់ថា កម្ពុជាចង់ស្វែងរកដំណោះស្រាយដោយសន្តិវិធី និងផ្អែកលើច្បាប់និងយុត្តិធម៌ជារបបអភិវឌ្ឍន៍។

សម្តេចបានសញ្ជាក់ថា កម្ពុជានឹងបន្តការពារអធិបតេយ្យជាតិការពារទឹកដី ជាពិសេស ប្រាសាទតាមាន់ ប្រាសាទតាមាន់តូច ប្រាសាទតាក្របី និងតំបន់មុំបីដោយមិនអនុញ្ញាតឲ្យការរំលោភរបស់គេកើតមានដោយឥតការឆ្លើយតបតាមច្បាប់នោះទេ។