វគ្គបណ្តុះបណ្តាលដែលបានរៀបចំអស់រយៈពេល៥ថ្ងៃកន្លងមកនេះ ដោយមជ្ឈមណ្ឌលជាតិគាំពារ មាតា និងទារក របស់សុខាភិបាលរាជធានី-ខេត្តនិងមន្ទីពេទ្យខេត្តទាំង៥ (រាជធានីភ្នំពេញ កណ្តាល ព្រះវិហារ ពោធិ៍សាត់ និងព្រៃវែង) បង្ហាញឲ្យឃើញថា ទទួលបានលទ្ឋផលល្អប្រសើរ គួរជាទីពេញចិត្ត

ការថ្លែងបញ្ជាក់បែបនេះពី លោកជំទាវសាស្ត្រាចារ្យ អ៉ឹម សិទ្ធិការ្យ រដ្ឋលេខាធិការក្រសួងសុខាភិបាលក្នុងឱកាស ដែលលោកជំទាវអញ្ជើញជាអធិបតី ក្នុងពិធីបិទវគ្គបណ្តុះបណ្តាលគ្រូបង្គោល ស្តីពីការពិនិត្យមរណភាពមាតា និង ទារកជុំវិញកំណើត និងការឆ្លើយតបសម្រាប់ថ្នាក់រាជធានី ខេត្ត (ជុំទី ៤) នៅមជ្ឈមណ្ឌលជាតិគាំពារ មាតា និងទារក កាលពីរសៀលថ្ងៃទី២៨ ខែ វិច្ឆិកា ឆ្នាំ២០២៥នេះថា ÷ តាមលទ្ធផលជាក់ស្តែងនៃការវាស់ស្ទង់សមត្ថភាពមុនសិក្សារបស់សិក្ខាកាមបង្ហាញថា ការយល់ដឹងពី ការងារពិនិត្យមរណភាពមាតា និងទារកជុំវិញកំណើត និងការឆ្លើយតប (MPDSR) ជាមធ្យមគឺ៥៩% ខណៈលទ្ធផលវាយតម្លៃក្រោយវគ្គសិក្សាសិក្ខាកាម (៣៦រូប) ទទួលបានពិន្ទុជាមធ្យមភាគ៩៥% (ក្នុងនោះ ពិន្ទុ១០០% ចំនួន ១៨ រូប. ពិន្ទុ៩៥% ចំនួន ១០ រូប. ពិន្ទុ ៨០-៩០% ចំនួន ៧រូប និង ពិន្ទុទាប ជាងគេ៧៥% មានតែ ១រូប)។ សូមចូលរួមអបអរសាទរ។

លោកជំទាវសាស្ត្រាចារ្យ រដ្ឋលេខាធិការ បានលើកឡើងបន្ថែមថាតាមរយៈការប្តេជ្ញាចិត្តរបស់លោក លោកស្រីជាថ្នាក់ដឹកនាំនៃមន្ទីរសុខាភិបាលរាជធានី ខេត្តទាំង ៥ លោកជំទាវសូមផ្តល់អនុសាសន៍ផ្តាំផ្ញើ៥ ចំនុចដូចតទៅនេះ ៖

ទី១) ខេត្តខ្លះត្រឡប់ទៅវិញហាក់ដូចជាមិនទាន់អនុវត្តតាមផែនការដែលបានរៀបនៅទីនេះ ដូច្នេះសូមអនុវត្តផែនការដែលបានរៀបចំទីនេះឱ្យមានប្រសិទ្ធភាពខ្ពស់។

ទី២) មានការយឺតយ៉ាវការបណ្តុះបណ្តាលបន្ត ផែនការបណ្តុះបណ្តាលបានធ្វើប៉ុន្តែមិនបាន រៀបចំបណ្តុះបណ្តាលនៅតាមខេត្តជាច្រើន សូមយកទៅអនុវត្តតាមផែនការ និងព្យាយាម បណ្តុះណ្តាល បន្តដល់មន្ត្រីក្នុងមន្ទីរពេទ្យ និងមណ្ឌលសុខភាពឱ្យបានគ្រប់គ្នា។

ទី៣) ពង្រឹងគុណភាពការពិនិត្យរាល់ករណីមរណភាពមាតា និងទារកដោយប្រើទម្រង់ទាំង៣ (ការវិភាគរកឬសគល់MCCD, ស្វែងរកកត្តាយឺតយ៉ាវទាំងបី 3 Delays និង ផែនការឆ្លើយតបដើម្បីកែ លម្អនូវអ្វីដែលជាចំណុចខ្វះខាតដែលបានរកឃើញ) និងត្រូវផ្ញើរបាយការណ៍ឱ្យបានទាន់ពេលវេលាមក គណកម្មាការពិនិត្យមរណភាពមាតា និងទារកថ្នាក់ជាតិតាមរយះលេខាធិការដ្ឋានរបស់គណកម្មការ MPDSRថ្នាក់ជាតិ ឱ្យបានមុន៣ម៉ោងក្រោយពីបានបញ្ចូលទិន្នន័យក្នុងប្រពន្ធ័។

ទី៤) មានការភ័យខ្លាចពីការស្តីបន្ទោស ដូច្នេះបញ្ជូនទៅថ្នាក់ជាតិដើម្បីជៀសវាងការស្លាប់ដូច្នេះ ត្រូវមានកិច្ចសហការគ្នាឱ្យបានល្អរវាងផ្នែកពាក់ព័ន្ធ មានដូចជាផ្នែកសម្ភព និងផ្នែកទារក ផ្នែកសង្គ្រោះ បន្ទាន់/សណ្តំក្នុងមន្ទីរពេទ្យក្នុងការពិនិត្យមរណភាពមាតា និងទារកជុំវិញកំណើតនិងការឆ្លើយតប ដើម្បី វិភាគករណីនិមួយៗឱ្យបានគ្រប់ជ្រុងជ្រោយ។

ទី៥) អាចមានការមិនរាយការណ៍ព្រោះខ្លាចមានករណីកើតឡើងនៅក្នុងខេត្តរបស់ លើកលែងតែ មានករណីមានការប៉ុស្តក្នុងបណ្តាញសង្គមបានផ្ញើ សូមកុំមានការបារម្មណ៍បែបនេះ យើងមិនអាចជួយ អាយុជីវិតរបស់ម្តាយ និងទារកបានទេ

និងចំនុចមួយទៀត សម្រាប់គ្រូបង្គោលMPDSR ថ្នាក់ជាតិ ត្រូវបន្តបណ្តុះបណ្តាលដល់គណកម្មការពិនិត្យ មរណភាពមាតា និងទារកថ្នាក់ខេត្ត និងជួយគាំទ្រដល់គ្រូបង្គោលថ្នាក់មន្ទីរពេទ្យជាតិក្នុងការជួយបណ្តុះ បណ្តាលដល់មន្ទីរពេទ្យខេត្តសម្ព័នមេត្រី។

ជាមួយគ្នានេះដែរ  លោកជំទាវរដ្ឋលេខាធិការ សូមថ្លែងអំណរគុណដល់ ស្ថានទូតអូស្ត្រាលី អង្គការ UNFPA ដែលតែងតែជួយក្រសួងសុខាភិ បាលលើការងារជាច្រើន ដែលទាក់ទងនឹងសុខភាពមាតា និងទារក និងសុខភាពផ្លូវភេទ។ ក្នុងនោះក៏ មានអង្គការ WHO ផងដែរ ដែលតែងតែជួយក្នុងកិច្ចការនេះ។ សូមថ្លែងអំណរគុណដល់មជ្ឈមណ្ឌលជាតិ ដែលបានផ្តល់ទី តាំងបណ្តុះបណ្តាលសម្រាប់វគ្គនេះហើយនិងគ្រូបង្គោលទាំង អស់ដែលបានចំណាយពេលក្នុងការចែករំលែកចំណេះដឹងដល់មន្ត្រីសុខាភិបាលលើការងារ MPDSR ព្រមទាំង លោក លោកស្រីទាំងអស់ដែលបានចំណាយពេលវេលាមកចូលរួមក្នុងពេលនេះ ទាំងនៅទី នេះផ្ទាល់ និង តាមប្រព័ន្ធ ZOOM៕