ប្រធានាធិបតីបារាំងប្រកាសតម្លៃវិនិយោគថ្មីរាប់ពាន់លានពីកិច្ចប្រជុំកំពូល Versailles ជាពិសេសវិនិយោគលើ AI ក្នុងបច្ចេកវិទ្យាបៃតង កិច្ចការពារនិងសន្តិសុខ

ប្រធានាធិបតីបារាំងលោក Emmanuel Macron បានប្រកាសថាការវិនិយោគថ្មីតម្លៃរាប់ពាន់លានត្រូវបានព្រមព្រៀងគ្នានៅចុងឆ្នាំទីប្រាំបីនៃកិច្ចប្រជុំកំពូល “ជ្រើសរើសប្រទេសបារាំង” នៅ Versailles។ កិច្ចប្រជុំកំពូលដែលត្រូវបានបង្កើតឡើងក្នុងឆ្នាំ២០១៨ គឺជាព្រឹត្តិការណ៍សេដ្ឋកិច្ចប្រចាំឆ្នាំដែលមានគោលបំណងទាក់ទាញការវិនិយោគពីបរទេស លើកកម្ពស់បរិយាកាសធុរកិច្ចបារាំង និងការជំរុញកំណើនសេដ្ឋកិច្ច។ នាយកប្រតិបត្តិអន្តរជាតិ និងនាយកប្រតិបត្តិធុរកិច្ចជាន់ខ្ពស់ប្រមាណជា ២០០នាក់ នឹងអញ្ជើញចូលរួមក្នុងជំនួបនេះនៅវិមាន Versailles។ លោក Emmanuel Macron បញ្ជាក់ថា៖ ខ្ញុំមិនចង់ឲ្យការងារនេះអូសបន្លាយយូរពេកទេ ហើយពួកយើងនៅតែចាំដកស្រង់គ្រប់វិស័យផ្សេងៗនោះដែរ ប៉ុន្តែនេះគឺជាការបោះពុម្ពពេញលេញ ដែលការវិនិយោគថ្មីចំនួនជាង២០ប៊ីលានអឺរ៉ូត្រូវតែបានប្រកាសថ្មី និងត្រូវវិនិយោគលើ AI ជាការតាមដាននៃកិច្ចប្រជុំកំពូល (AI Paris) ក្នុងខែកុម្ភៈនេះ នេះជាអ្វីដែលលោកបញ្ជាក់បន្ថែមនៅក្នុងសុន្ទរកថាមួយបន្ទាប់ពីបញ្ចប់កិច្ចប្រជុំកំពូល។ លោក Macron បានសង្កត់ធ្ងន់លើតម្រូវការសម្រាប់អឺរ៉ុបក្នុងការវិនិយោគកាន់តែច្រើននៅក្នុង AI ក៏ដូចជានៅក្នុងបច្ចេកវិទ្យាបៃតង និងការការពារ និងសន្តិសុខ។ លោកបានបន្តថា៖ ក្នុងវិស័យមួយនេះគឺមានការខ្វះខាតជាក់ស្តែងទាំងការវិនិយោគសាធារណៈនិងឯកជន៕

សម្រួលអត្ថបទ៖ សុផារិន្ទ