ប្រទេសចិន និងអាស៊ីកណ្តាលបានមើលឃើញពីទំនាក់ទំនងដ៏ល្អនៃការពន្លឿនសេដ្ឋកិច្ច-ពាណិជ្ជកម្មកាន់តែស៊ីជម្រៅជាមួយគ្នា

ប្រទេសចិន និងអាស៊ីកណ្តាលបានមើលឃើញថាទំនាក់ទំនងសេដ្ឋកិច្ច និងពាណិជ្ជកម្មរបស់ពួកគេបន្តពង្រឹងជាមួយគ្នា ដោយវិស័យពាណិជ្ជកម្មរបស់ពួកគេបានរីកចម្រើនយ៉ាងឆាប់រហ័សអស់រយៈពេលជាងមួយទសវត្សរ៍នេះ។ ទិន្នន័យដែលបានចេញផ្សាយកាលពីថ្ងៃអាទិត្យនេះដោយរដ្ឋបាលទូទៅនៃក្រុមការងារគយបានបង្ហាញថាពាណិជ្ជកម្មរបស់ចិនជាមួយប្រទេសអាស៊ីកណ្តាលទាំង៥បានកើនឡើងពី ៣១២.០៤ប៊ីលានយ័ន ស្មើនឹង ៤៣.៤៨ប៊ីលានដុល្លារអាម៉េរិកក្នុងឆ្នាំ ២០១៣ ដល់ ៦៧៤.១៥ប៊ីលានយ័ន ក្នុងឆ្នាំ២០២៤ ដែលតំណាងឱ្យការកើនឡើងចំនួន១១៦%។ អំឡុងពេលនោះដែរ អត្រាកំណើនប្រចាំឆ្នាំជាមធ្យមនៃពាណិជ្ជកម្មរបស់ចិនជាមួយប្រទេសទាំងនេះគឺ ៧.៣% និង ២.៣% គឺខ្ពស់ជាងអត្រាកំណើនប្រចាំឆ្នាំជាមធ្យមនៃពាណិជ្ជកម្មរួមរបស់ប្រទេសចិនក្នុងអំឡុងពេលដូចគ្នា។ ក្នុងរយៈពេល៥ខែដំបូងនៃឆ្នាំ ២០២៥ ពាណិជ្ជកម្មរបស់ប្រទេសចិនជាមួយប្រទេសទាំងនេះបានឈានដល់ ២៨៦.៤២ប៊ីលានយ័នកើនឡើង ១០.៤%ពីមួយឆ្នាំទៅមួយឆ្នាំ ហើយបានបង្កើតកំណត់ត្រាខ្ពស់ថ្មីមួយសម្រាប់រយៈពេលនេះដែរ។ ប្រទេសចិនបាននឹងកំពុងស្វែងរកយ៉ាងសកម្មនូវសក្តានុពលសម្រាប់កិច្ចសហប្រតិបត្តិការជាមួយអាស៊ីកណ្តាលក្នុងវិស័យកសិកម្ម ហើយការកើនឡើងនូវផលិតផលកសិកម្មពណ៌បៃតង និងគុណភាពខ្ពស់ពីប្រទេសអាស៊ីកណ្តាលកំពុងចូលរួមក្នុងទីផ្សារប្រទេសចិន។ អំឡុងខែមករាដល់ខែឧសភានេះ ប្រទេសចិនបាននាំចូលផលិតផលកសិកម្មដែលមានតម្លៃ៤.៣៦ ប៊ីលានយ័ន ពីប្រទេសទាំង៥នៅអាស៊ីកណ្តាលគឺកើនឡើង ២៦.៩%។ ក្នុងចំណោមនោះដែរ ការនាំចូលទឹកឃ្មុំពីប្រទេសកាហ្សាក់ស្ថានកើនឡើង ២០២,១ % ការនាំចូលផ្លែ raisins ពីប្រទេសអ៊ូសបេគីស្ថានកើន ១៥៣,៧ %ហើយការនាំចូលទឹកឃ្មុំពីប្រទេសកៀហ្ស៊ីស៊ីស្ថានបានកើនឡើង ១០,៩ ដងឯណោះ។ ទិន្នន័យនោះបានបង្ហាញឱ្យដឹងទៀតថា ដោយសារតែបណ្តាញដឹកជញ្ជូនផ្លូវគោកមានសភាពប្រសើរឡើង ការដឹកជញ្ជូនតាមផ្លូវគោកបានជួយសម្រួលដល់កំណើនរហូតឡើងដល់៥១.៨ %នៃពាណិជ្ជកម្មរបស់ប្រទេសចិនជាមួយប្រទេសអាស៊ីកណ្តាលទាំង៥ក្នុងឆ្នាំ ២០២៤ ដែលកើនឡើងយ៉ាងខ្លាំងពី ១៩.៩ %ក្នុងឆ្នាំ ២០២០៕

សម្រួលអត្ថបទ៖ Borinika Sopharin Em