ក្រោយរយៈពេល៣ឆ្នាំ RCEP បានវិវឌ្ឍន៍លើកំណើននៃពាណិជ្ជកម្មដែលបានតំណាងដោយការប្តេជ្ញាចិត្តនៃសកលភាវូបនីយកម្មរបស់ប្រទេសចិន

ឆ្នាំនេះគឺជាខួបលើកទីបីនៃការអនុវត្តភាពជាដៃគូសេដ្ឋកិច្ចទូលំទូលាយក្នុងតំបន់ (RCEP)។ ក្នុងនាមជាតំបន់ពាណិជ្ជកម្មសេរីដែលមានប្រជាជនច្រើនបំផុត មាត្រដ្ឋានពាណិជ្ជកម្មដ៏ធំបំផុត និងសក្តានុពលដ៏អស្ចារ្យបំផុតសម្រាប់ការអភិវឌ្ឍន៍ RCEP បានបន្តពង្រីកឥទ្ធិពលរបស់ខ្លួនក្នុងរយៈពេល៣ឆ្នាំចុងក្រោយនេះ ដោយធ្វើឱ្យកិច្ចសហប្រតិបត្តិការពាណិជ្ជកម្ម និងការវិនិយោគកាន់តែស៊ីជម្រៅក្នុងចំណោមប្រទេសជាសមាជិកសេដ្ឋកិច្ច និងបម្រើជាកត្តាសំខាន់ដើម្បីជំរុញជាចំបងនូវសមាហរណកម្មសេដ្ឋកិច្ចអាស៊ីប៉ាស៊ីហ្វិក។ ក្នុងរយៈពេលបីឆ្នាំកន្លងមកនេះ ពាណិជ្ជកម្មសរុបរបស់ចិនជាមួយសមាជិក RCEP ផ្សេងទៀតបានឈានដល់ ៣៨.៥៧ ទ្រីលានយ័ន ឬ (៥.៣ ទ្រីលានដុល្លារអាម៉េរិក) ដោយពាណិជ្ជកម្មទំនិញមានចំនួនជាង៣០%នៃការនាំចូល និងការនាំចេញសរុបរបស់ប្រទេសចិន។ ក្នុងឆ្នាំ ២០២៥ ពាណិជ្ជកម្មរបស់ចិនជាមួយដៃគូ RCEP មានចំនួន ១៣.១៦ ទ្រីលានយ័ន ដែលតំណាងឱ្យការកើនឡើងចំនួន៤.៥%ពីមួយឆ្នាំទៅមួយឆ្នាំ។ តួលេខទាំងនេះបានគូសបញ្ជាក់ពីតួនាទីដ៏សំខាន់ដែល RCEP បានដើរតួក្នុងការជំរុញសមាហរណកម្មសេដ្ឋកិច្ចក្នុងតំបន់ និងសេរីភាវូបនីយកម្មពាណិជ្ជកម្មផងដែរ។ ពួកគេក៏ឆ្លុះបញ្ចាំងពីការប្តេជ្ញាចិត្តមិនផ្លាស់ប្តូររបស់ប្រទេសចិនក្នុងការពង្រីកការបើកចំហកម្រិតខ្ពស់ថែទៀតផង។ ការផ្លាស់ប្តូរនូវការកាត់បន្ថយពន្ធនាំចូលទៅក្នុងវិធានការពង្រីកទីផ្សារ ការដោះសោនៃរបាំងភាពស៊ីសង្វាក់គ្នាក្នុងតំបន់ ក្រោមក្របខណ្ឌ RCEP ទំនិញដែលបានជួញដូរច្រើនជាង ៩០%កំពុងសម្រេចបាននូវពន្ធសូន្យជាលំដាប់លំដោយ។ ការបោសសំអាតគយដែលបានពន្លឿនក្នុងរយៈពេល៦ម៉ោងសម្រាប់ការដឹកជញ្ជូនរហ័ស និង៤៨ម៉ោងសម្រាប់ទំនិញទូទៅបានពង្រឹងបន្ថែមទៀតនូវការតភ្ជាប់រវាង ផលិតនៅក្នុងប្រទេសចិន និងទីផ្សារក្នុងតំបន់។ ជាក់ស្តែងការលើកលែងពន្ធគយលើសារធាតុសូដ្យូម benzoate ដែលបាននាំចេញទៅកាន់ប្រទេសជប៉ុន ដែលពីមុនមានកម្រិត ៤.១ % ដោយក្រុមហ៊ុន Wuhan Youji Holdings Ltd ដែលជាក្រុមហ៊ុនផ្តល់ផលិតផលនិស្សន្ទវត្ថុ Toluene ដ៏ល្បីល្បាញមានទីតាំងនៅទីក្រុង Wuhan ខេត្ត Hubei ភាគកណ្តាលប្រទេសចិន បានរីកសាយភាយក្នុងការសន្សំពន្ធកើនឡើងជិត៥លានយ័នដែរ។ ចំណែកនៅក្នុងខេត្ត Zhejiang កំពង់ផែ Ningbo-Zhoushan បានចាប់ផ្តើមផ្លូវដឹកជញ្ជូនថ្មីទៅកាន់ប្រទេសជាសមាជិក RCEP ផ្សេងទៀត ដោយកាត់បន្ថយការចំណាយលើផ្នែកដឹកជញ្ជូនសម្រាប់សហគ្រាសយ៉ាងច្រើន។ ក្នុងប៉ុន្មានឆ្នាំថ្មីៗនេះការកើនឡើងនៃចំនួនទីក្រុងរបស់ចិនរួមទាំងទីក្រុង Qingdao, Guangzhou, Xiamen និង Dalian បានណែនាំដល់ផ្លូវពាណិជ្ជកម្មដែលផ្តោតលើទីផ្សារ RCEP ។ ការពង្រីកនេះបានពង្រឹងបន្ថែមទៀតនូវទំនាក់ទំនងសេដ្ឋកិច្ចនិងពាណិជ្ជកម្មរបស់ប្រទេសចិនជាមួយសមាជិក RCEP ផ្សេងទៀត ដោយជំរុញកិច្ចសហប្រតិបត្តិការសេដ្ឋកិច្ចក្នុងតំបន់ឆ្ពោះទៅរកដំណាក់កាលថ្មីនៃការអភិវឌ្ឍន៍រួមប្រកបដោយប្រសិទ្ធភាពខ្ពស់៕

សម្រួលអត្ថបទ៖ Borinika Sopharin Em