🎋កោះឫស្សី ជាទីតាំងទេសចរណ៍ដ៏ល្អមួយក្នុងខេត្តព្រះព្រះសីហនុ

កោះឫស្សី ស្ថិតនៅសង្កាត់រាម ក្រុងកំពង់សោម ខេត្តព្រះសីហនុ នៅក្បែរ កោះតាគៀវ ទល់មុខនឹងមូលដ្ឋានសមុទ្ររាម និងស្ថិតនៅចន្លោះកោះក្របី ដែលមានចំងាយ ៤គីឡូពីដីគោក បើយើងធ្វើដំណើរតាមរយៈអូរប័រ អាចប្រើពេលប្រមាណពី១០-១៥ នាទី ពីដីគោកដើម្បីទៅដល់កោះនេះ។

កោះឫស្សី មានឆ្នេរខ្សាច់ស្រស់ស្អាត ប្រកប ដោយផាសុក សម្រាប់អ្នកទេសចរជាតិ និងអន្តរជាតិដែលចង់មកលេងកំសាន្ត។

កោះឫស្សី ត្រូវរាជរដ្ឋាភិបាលបានចេញអនុក្រឹត្យឲ្យក្រុមហ៊ុន២ កំពុងធ្វើការវិនិយោគ ជា រីសត (Resort) គឺក្រុមហ៊ុន EVERSPRING RESORT CO.,LTD ជាក្រុមហ៊ុន របស់ខ្មែរ ដែលវិនិយោគសណ្ឋាគារផ្កាយ៥ និងរីសត លើទំហំផ្ទៃដី ៥២ហិចតា បានអភិវឌ្ឍន៍ចប់រួចរាល់ និងកំពុងដំណើរការនៅប៉ែកខាងជើង។បច្ចុប្បន្នក្រុមហ៊ុន កំពុងដំណើរអាជីវកម្មរបស់ខ្លួន ទទួលភ្ញៀវទេសចរណ៍ជាតិ និងអន្តរជាតិមកសម្រាក លំហែកាយ នៅលើកោះឫស្សីយ៉ាងច្រើនផងដែរ។

ដោយឡែក មួយផ្នែកប៉ែកនៅប៉ែកខាងត្បូង គឺបានវិនិយោគឲ្យក្រុម ហ៊ុន KOH RUSSEY RESORT CO.,LTD វិនិយោគសណ្ឋាគារផ្កាយ៥ និងរីសត លើទំហំផ្ទៃដី ៧៨ហិកតា ដែលកំពុងតែអភិវឌ្ឍ បន្ទាប់ពីអភិវឌ្ឍន៍ហើយនិងដាក់ឲ្យដំណើរការ ដែលសុទ្ធតែជាប្រភេទរីសត លំដាប់ស្តង់ដា និងជាទីតាំងទេសចរណ៍ដ៏ល្អមួយក្នុងខេត្តព្រះព្រះសីហនុ ។
CMD