អ្នកការទូតចិនបញ្ជាក់ថា៖ តម្លៃនៃសារព័ត៌មានគឺត្រូវស្វែងរកការពិត និងហ៊ាននិយាយពីការពិត ចំពោះអ្វីដែលអ្នកព័ត៌មានបានឃើញ

បន្ទាប់ពីបានចូលរួមក្នុងកម្មវិធីផ្លាស់ប្តូរប្រព័ន្ធផ្សព្វផ្សាយក្នុងប្រទេសចិនក្នុងរយៈពេលជិតកន្លះឆ្នាំមកនេះ អ្នកសារព័ត៌មានបរទេសមកពីទ្វីបអាហ្រ្វិក អាស៊ីប៉ាស៊ីហ្វិក(ក៏មានប្រទេសកម្ពុជាយើងដែរ តំណាងដោយទូរទស្សន៍ជាតិកម្ពុជា AKP និង Khmer Time) តំបន់អាមេរិកឡាទីន ការាបៀន និងអឺរ៉ុបកណ្តាល និងភាគខាងកើត បានទទួលនូវវិញ្ញាបនបត្របញ្ជាក់ការសិក្សាស្រាវជ្រាវ ស្វែងយល់បន្ថែមទៀតពីសាកលវិទ្យាល័យ Renmin ក្នុងទីក្រុងប៉េកាំង សម្រាប់ជាគោលការណ៍គ្រឹះនៃវិជ្ជាជីវៈសារព័ត៌មាន ដែលបានរាយការណ៍នូវព័ត៌មានពិត ហើយថាពួកគេត្រូវបានរាប់បញ្ចូលក្នុងនាមជាអ្នករាយការណ៍ព័ត៌មានពិតប្រាកដស្តីអំពីប្រទេសចិនដែរ។ លោកទីប្រឹក្សា Liu Yutong មកពីនាយកដ្ឋានសារព័ត៌មាន ទំនាក់ទំនងនិងការទូតសាធារណៈ នៃក្រសួងការបរទេសចិន បានក្រើនរំលឹកដល់អ្នកសារព័ត៌មានអន្តរជាតិនៅថ្ងៃពិសេសនៃពិធីប្រគល់វិញ្ញាបនបត្រនោះថា បន្ទាប់ពីបានបញ្ចប់ការរៀនសូត្ររបស់ពួកគេដោយជោគជ័យ នៃកម្មវិធីផ្លាស់ប្តូរអ្នកសារព័ត៌មានវាគឺជាពេលវេលាដ៏យូរក្នុងការសិក្សា ហើយលោកជឿថា អ្នកកាសែតអន្តរជាតិបានក្លាយជាអ្នកជំនាញលើកិច្ចការងារជាច្រើនរបស់ប្រទេសចិន។ អ្នកសារព័ត៌មានខ្លះបានចូលរួមក្នុងកម្មវិធីផ្លាស់ប្តូររយៈពេល៤ខែ និងខ្លះទៀតរយៈពេល៣ខែ។ ដូចពាក្យចាស់របស់ចិននិយាយថា ការមើលឃើញគឺជាការជឿ។ អ្នកបានទទួលចំណេះដឹងស៊ីជម្រៅ និងទូលំទូលាយអំពីប្រទេសចិន ពីការបង្រៀនដែលអ្នកបានចូលរួម ហើយបានក្លាយជាអ្នកជំនាញខាងកិច្ចការងារក្នុងប្រទេសចិនដែរ។ តម្លៃនៃសារព័ត៌មានគឺការស្វែងរកការពិត និងនិយាយពីការពិតទាំងនោះ។ ដោយលោកបញ្ជាក់ថានោះហើយគឺជាតម្លៃពិតនៃសារព័ត៌មាន ហើយហេតុផលជាមូលដ្ឋានសម្រាប់ការធ្វើដំណើររបស់អ្នកនៅទីនេះ គឺបានអនុញ្ញាតឱ្យបើកបង្ហាញការពិតចេញទៅកាន់មនុស្សទាំងអស់ ដើម្បីប្រាប់មនុស្សពីការពិតនៅទីនេះ។ នោះគឺជាការទទួលខុសត្រូវរួមរបស់ពួកយើង។ ដូច្នេះ ខ្ញុំសង្ឃឹមថាអ្នកអាចប្រាប់ការពិតអំពីប្រទេសចិនដល់ប្រជាជនរបស់អ្នក ប្រទេសរបស់អ្នក។ នោះហើយជាមូលហេតុដែលខ្ញុំសង្ឃឹមដោយស្មោះថាអ្នកអាចភ្ជាប់ប្រជាជន និងប្រទេសរបស់អ្នកជាមួយប្រជាជន និងប្រទេសរបស់យើង។

ចំណែកអនុប្រធានការិយាល័យផ្លាស់ប្តូរ និងសហប្រតិបត្តិការអន្តរជាតិ (IECO) នៃសាកលវិទ្យាល័យ Renmin លោកស្រី Yuan Yilin បានឲ្យដឹងថានិយាយថារយៈពេលជាង៤ទៅ៥ខែមកនេះអ្នកកាសែតអន្តរជាតិបានចំណាយពេលច្រើននៅក្នុងប្រទេសចិនគឺជា “ពេលវេលាដ៏ពេញលេញ និងមិនអាចបំភ្លេចបានឡើយ។ លោកស្រី Yuan បាននិយាយថា អ្នកសារព័ត៌មានទាំងនេះមិនត្រឹមតែទទួលបានចំណេះដឹងថ្មីៗ និងប្រមូលបទពិសោធន៍របស់ពួកគេក្នុងការរាយការណ៍អំពីប្រទេសចិនប៉ុណ្ណោះទេ ប៉ុន្តែថែមទាំងបាននាំមកនូវទស្សនៈថ្មីៗដល់ការសង្កេតលើប្រជាជាតិចិន ហើយលើសពីនេះទៀត បានបង្កើតមិត្តភាពពិតប្រាកដនៅក្នុងប្រទេសចិនដែរ។លោកអ្នកបានចូលរួមក្នុងការបង្រៀនឯកទេសជាបន្តបន្ទាប់ដែលរៀបចំឡើងដោយសាលាសារព័ត៌មាននៅទីនេះដែលគ្របដណ្តប់គ្រប់ទិដ្ឋភាពទាំងអស់នៃសង្គមចិន។ សាស្ត្រាចារ្យជាន់ខ្ពស់មកពីសាកលវិទ្យាល័យល្បីៗជាច្រើន រួមទាំង RUC សាកលវិទ្យាល័យ Tsinghua និងសាកលវិទ្យាល័យ Perking ជាមួយនឹងចំណេះដឹងជ្រៅជ្រះ និងបទពិសោធន៍ដ៏សម្បូរបែបបានផ្តល់ឱ្យអ្នកនូវការបកស្រាយស៊ីជម្រៅលើការអភិវឌ្ឍន៍ និងនិន្នាការបច្ចុប្បន្ននៅក្នុងបរិយាកាសប្រព័ន្ធផ្សព្វផ្សាយ សេដ្ឋកិច្ច និងវប្បធម៌ផ្សេងទៀតរបស់ប្រទេសចិន។ លោកស្រីបញ្ជាក់ថា ចំណេះដឹង និងការយល់ដឹងដែលពួកគេបានចែករំលែកបានបើកបង្អួចដល់ការយល់ដឹងអំពីប្រទេសចិន ដែលជួយអ្នកឱ្យទទួលបាននូវការយល់ដឹងកាន់តែទូលំទូលាយ និងស៊ីជម្រៅអំពីប្រទេសចិន ហើយពួកគេបានដាក់មូលដ្ឋានគ្រឹះដ៏រឹងមាំសម្រាប់ការរាយការណ៍នាពេលអនាគតរបស់អ្នកអំពីប្រទេសចិន។ ថ្ងៃនេះ យើងរៀបចំពិធីដ៏ធំនេះ ដើម្បីប្រគល់ជូនអ្នកទាំងអស់គ្នានូវវិញ្ញាបនបត្របញ្ចប់ការសិក្សា។ យើងសូមអបអរសាទរយ៉ាងកក់ក្តៅចំពោះអ្នកសារព័ត៌មានចំនួន៥៨នាក់ មកពី៥០ប្រទេសក្នុងទ្វីបអាហ្រ្វិក អាស៊ី ប៉ាស៊ីហ្វិក អាមេរិកឡាទីន ការាបៀន និងអឺរ៉ុបកណ្តាល និងអឺរ៉ុបខាងកើត ដែលបានបញ្ចប់ការផ្លាស់ប្តូរ និងសិក្សានៅទីនេះដោយជោគជ័យនៅសកលវិទ្យាល័យ RUC (Renmin University of China)។ លើសពីនេះដែរអ្នកសារព័ត៌មាន៣រូបតំណាងឲ្យអ្នកតំបន់ផ្សេងៗគ្នាបានឡើងថ្លែងនូវអារម្មណ៍ពិតរបស់ពួកគេដែលបានសិក្សានាពេលកន្លងមកនៅប្រទេសចិន ប្រកបដោយចំណេះដឹង និង ការស្រាវជ្រាវរាប់មិនអស់ជាមួយនឹងប្រវត្តិសាស្រ្តចិន អរិយធម៌ចិនដ៏សម្បូរបែប និង មិនជិនណាយ ក្នុងរយៈកាលកន្លងមកពួកគេបានចាត់ទុកប្រទេសចិនជាគឺផ្ទះទី២របស់ពួកគេទាំងការស់នៅ និង បង្កើតមិត្តភាពផងដែរ៕

សម្រួលអត្ថបទ៖ Borinika Sopharin Em