លោកស្រី សុខ ជា តំណាងប្រជាកសិករដាំស្រូវនៅឃុំកញ្ចរ បានបញ្ជាក់ថា ការដាំស្រូវពូជអូអឹម៥៤៥១ ក្នុងឆ្នាំនេះមិនបានខាតដើមទេ ប៉ុន្តែប្រាក់ចំណេញទទួលបានតិចជាងឆ្នាំមុន។ ពេលនេះ កសិករមានបំណងចងក្រងជាសហគមន៍កសិកម្មទំនើបវិញម្តង ដើម្បីទទួលបានអត្ថប្រយោជន៍ច្រើនជាងមុន រួមទាំងការកាត់បន្ថយថ្លៃដើមផលិត ការគាំទ្រផ្នែកដើមទុននិងបច្ចេកទេស និងការតភ្ជាប់ទៅកាន់ទីផ្សារដែលមានការធានាថ្លៃទុកជាមុន។
ថ្លែងនៅក្នុងពិធីសំណេះសំណាលជាមួយប្រជាកសិករជាង ២០០ គ្រួសារ មកពី ៥ ភូមិ នៅឃុំកញ្ចរ ស្រុកកណ្តៀង ខេត្តពោធិ៍សាត់ កាលពីម្សិលមិញ ឯកឧត្តម ឌិត ទីណា រដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ បានបញ្ជាក់ថា ការចូលរួមក្នុងសហគមន៍កសិកម្មទំនើប នឹងផ្តល់អត្ថប្រយោជន៍ច្រើនដល់កសិករ រួមទាំងការកាត់បន្ថយថ្លៃដើមផលិត ការគាំទ្រផ្នែកដើមទុននិងបច្ចេកទេស និងការតភ្ជាប់ទៅកាន់ទីផ្សារដែលមានការធានាថ្លៃទុកជាមុន។
បន្ថែមមកទៀត ឯកឧត្តមបានណែនាំឱ្យមន្ត្រីជំនាញ ចុះសិក្សាវាយតម្លៃពីគុណភាពដីអោយបានត្រឹមត្រូវ ដើម្បីកំណត់ប្រភេទពូជស្រូវដែលសមស្របនឹងលក្ខខណ្ឌក្សេត្របរិស្ថានក្នុងតំបន់នេះ។ ព្រមទាំងប្រមូលផ្តុំផ្ទៃដីស្រែប្រាំងឱ្យបានប្រមាណ ១០០០ ហិកតា មុននឹងឈានទៅរៀបចំសហគមន៍កសិកម្មទំនើប ដើម្បីធានាឱ្យបាននូវអត្ថប្រយោជន៍ពីសេដ្ឋកិច្ចមាត្រដ្ឋាន។
សូមជម្រាបថា៖ ការប្រកាសឆន្ទៈរបស់កសិករ និងការគាំទ្ររបស់រដ្ឋាភិបាល ត្រូវបានទាក់ទាញអារម្មណ៍យ៉ាងខ្លាំង ព្រោះកសិករលើកឡើងថា ការដាំស្រូវពូជអូអឹម ៥៤៥១ នៅឆ្នាំនេះមិនបានខាតដើមទេ ប៉ុន្តែប្រាក់ចំណេញទទួលបានតិចជាងឆ្នាំមុន ហេតុនេះពួកគេបានសម្រេចចិត្តចូលរួមសហគមន៍កសិកម្មទំនើប ដើម្បីបង្កើនប្រាក់ចំណេញ និងធានាជីវភាពរស់នៅប្រសើរឡើង៕
