ឯកឧត្ដម ម៉ម ប៊ុនហេង ចូលរួមបើកកិច្ចប្រជុំពង្រឹងប្រព័ន្ធតាមដានមរណៈភាពមាតា

ឯកឧត្ដម ម៉ម ប៊ុនហេង មានប្រសាសន៍ទៀតថា យុទ្ធសាស្ដ្រចតុកោណដំណាក់កាលទី២ របស់រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់ សម្ដេចអគ្គមហាសេនាបតីតេជោ ហ៊ុន សែន បានបញ្ជាក់ច្បាស់អំពីគោលដៅ អាទិភាពនៃការកែលំអរសូចនាករសំខាន់ៗ ក្នុងវិស័យសុខាភិបាល ពិសេសការកាត់បន្ថយអត្រាមរណៈភាពមាតា និងទារក តាមរយៈការពង្រីកគុណភាពសេវាសុខភាពបន្ដពូជ សុខភាពមាតា ទារក និងកុមារ។ គ្នុងរយៈពេលមួយទសវត្សកន្លងមកនេះ ការស្លាប់របស់កុមារអាយុក្រោម១ឆ្នាំ និងកុមារអាយុក្រោម៥ឆ្នាំ បានថយចុះប្រមាណ៣០%។ ក្នុងសារិការណ៍នេះសូចនាករសុខភាពមាតាសំខាន់ៗ នៃដំណើរអោនឆ្ពោះទៅកាន់គោលដៅអភិវឌ្ឍន៍សហសវត្សកម្ពុជា នៅដំណាច់ឆ្នាំ២០១៥ និងពឹងផ្អែកទាំងស្រុង ទៅលើកំរិតអតិបរិមានៃការសំរាលកូនដោយបុគ្គលិកឆ្មបជំនាញ ការសំរាលកូននៅមណ្ឌលសុខភាព និងមន្ទីរពេទ្យ និងការពង្រីកឱ្យមានកាន់តែច្រើនថែមទៀត នូវសេវាសង្គ្រោះសម្ភពបន្ទប់ក្នុងទូទាំងប្រទេស។