ឯឧច័ន្ទសារុនពិនិត្យស្ថានភាពបឹងសំបួរ និងសំណេះសំណាលជាមួយប្រជាជនឃុំអូសារាយ

   ដោយមានសំណូមពរ ពីអាជ្ញាធរមូលដ្ឋាន និងប្រជាពលរដ្ឋ ឯ.ឧ បណ្ឌិត ច័ន្ទ សារុន រដ្ឋមន្រ្តី ក្រសួងកសិកម្ម រុក្ខប្រមាញ់ និងនេសាទ រួមដំណើរ ដោយមន្រ្តីជំនាញ ក្រោមឱវាទ ក្រសួងកសិកម្ម បានអញ្ជើញ ចុះពិនិត្យ ទំនប់ទឹកបឹង សំបួរ ដែលឋិតនៅ ភូមិសុក្រម ឃុំអូសារាយ ស្រុកត្រាំកក់ ខេត្តតាកែវ ដើម្បីរៀបចំគំរោងកសាង ទំនប់ទឹកនេះឡើងវិញ ក្នុងផលប្រយោជន៍ ទាញយកទឹក សំរាប់ ស្រោចស្រព ផ្ទៃដី បង្កបង្កើនផលស្រូវ និងដំណាំផ្សេងៗ។ លោក អ៊ីវ សារិក បានបញ្ជាក់ថា ទំនប់បឹងសំបួរ ត្រូវបានកសាងឡើង ក្នុងសម័យប៉ុលពត  ដោយ សារគ្រោះធម្មជាតិ ទឹកជំនន់ទឹកភ្លៀង បានធ្វើឲ្យទំនប់ទឹកនេះ ខូចខាត នឹងត្រូវទុក ចោលយូរឆ្នាំមក ហើយ ដោយមានការ  ខិតខំប្រឹងប្រែងពីអាជ្ញាធរ ដែនដីគ្រប់លំដាប់ថ្នាក់ និងកំលាំងសមត្ថកិច្ច ធ្វើឲ្យស្ថានភាព សន្តិសុខ និងសណ្តាប់ ធ្នាប់សង្គម មានភាព ល្អប្រសើរ ផ្តល់ឱកាសឲ្យនប្រជាពលរដ្ឋ ជុំវិញ ការងារ បង្កបង្កើនផល ស្រូវរដូវវស្សា និងប្រកបមុខរបរផ្សេងៗ។

ពិធីបើកមហាសន្និបាត លើកទី៤ នៃអង្គការអ្នកប្រជាធិបតេយ្យ និយមកណ្តាល អាស៊ីប៉ាស៊ីហ្វីកអន្តរជាតិ

    មហាសន្និបាតលើកទី៤ នៃអង្គការ អ្នកប្រជាធិបតេយ្យ និយមកណ្តាល អាស៊ីប៉ាស៊ីហ្វីកអន្តរជាតិ (CAPDI) ក្រោមប្រធានបទ រដ្ឋាភិបាល គណបក្សនយោបាយ និងសង្គមស៊ីវិល រួមគ្នាជំរុញ ឲ្យមានសន្តិភាព ការផ្សះផ្សា និងរួមគ្នាប្រយុទ្ធប្រឆាំង នឹងការប្រែប្រួលអាកាសធាតុ នៅអាស៊ី បានប្រារព្វ ពិធីបើកជាផ្លូវការ នៅសណ្ឋាគារ Sahid Jaya Makassar ទីក្រុងម៉ាកាសា ខេត្តស៊ូឡាវេស៊ី ខាងត្បូង នៃសាធារណរដ្ឋ ឥណ្ឌូណេស៊ី នៅព្រឹកថ្ងៃទី២០ ឧសភា។ មហាសន្និបាត លើកទី៤នេះ ត្រូវបានការអញ្ជើញ ជាអធិបតីដ៏ខ្ពង់ខ្ពស់ សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាអនុប្រធានគណបក្ស ប្រជាជនកម្ពុជា ឯកឧត្តម Jusuf Kalla  ប្រធាន CAPDI និងជាអតីត អនុប្រធានាធិបតីឥណ្ឌូណេស៊ី ឯកឧត្តម បណ្ឌិតសុភាចារ្យ សុខ អាន ឧបនាយករដ្ឋមន្រ្តី និងជារដ្ឋមន្រ្តី ទទួលបន្ទុកទីស្តីការ គណៈរដ្ឋមន្រ្តី ឯកឧត្តម Syahrul Yasin

ពិធីលាងសាយភោជន៍ រៀបចំដោយ ឯកឧត្តម Syahrul Yasin Limpo អភិបាលខេត្តស៊ូឡាវេស៊ីខាងត្បូង ជូនដល់គណៈប្រតិភូទាំងអស់ ដែលអញ្ជើញ ចូលរួមមហាសន្និបាត លើកទី២ របស់ CAPDI

    សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជាអនុប្រធានគណបក្ស ប្រជាជនកម្ពុជា បានក្លាយជាពលរដ្ឋកិត្តិយស របស់ខេត្ត ស៊ូឡាវេស៊ីខាងត្បូង របស់សាធារណរដ្ឋ ឥណ្ឌូណេស៊ី ជាមួយ និងគុណបំណាច់ និងសេចក្តីគោរពស្រឡាញ់ របស់ថ្នាក់ដឹកនាំ និងប្រជាពលរដ្ឋ ខេត្តស៊ូឡាវេស៊ី ចំពោះការដឹកនាំ ប្រកបដោយបញ្ញាញាណ របស់ សម្តេច តេជោ នាយករដ្ឋមន្រ្តី ក្នុងការដឹកនាំ ប្រទេសកម្ពុជាឆ្លងផុត ពីដំណាក់ កាលសង្រ្គាម មកកាន់សុខសន្តិភាព និងការអភិវឌ្ឍ ប្រទេសមានការរីកចំរើន គួរឲ្យគោរព និងកោតសរសើបំផុត។ នៅក្នុងពិធី លាងសាយភោជន៍ នារាត្រីថ្ងៃទី១៩ ឧសភា ឯកឧត្តម Syahrul Yasin Limpo អភិបាល ខេត្តស៊ូឡាវេស៊ី ខាងត្បូង មានប្រសាសន៍ថា ថ្ងៃនេះថ្នាក់ដឹកនាំ និងប្រជាពលរដ្ឋ ខេត្តស៊ូឡាវេស៊ី ខាងត្បូង មាន មហាកិត្តិយស ខ្លាំងណាស់ ក្នុងការទទួល បដិសណ្ឋារកិច្ច ស្វាគមន៍យ៉ាងស្និតស្នាល រាក់ទាក់បំផុត ចំពោះវត្តមាន ដ៏ឧត្តុង្គឧត្តមបំផុត របស់សម្តេចតេជោ នាយករដ្ឋមន្រ្តីដែលបានអញ្ជើញមក ចូលរួម មហាសន្និបាត លើកទី២ របស់មហាសន្និបាត លើកទី២ នៃអង្គការ អ្នកប្រជាធិបតេយ្យ និយមកណ្តាល អន្តរជាតិអាស៊ីប៉ាស៊ីហ្វីក ( CAPDI )

សម្តេចតេជោ នាយករដ្ឋមន្រ្តីអញ្ជើញទៅដល់ចំណត អាកាសយានដ្ឋានអន្តរជាតិSultan Hasanuddinទីក្រុងម៉ាកាសាខេត្តស៊ូឡាវេស៊ីខាងត្បូងសាធារណរដ្ឋឥណ្ឌូណេស៊ី

   សម្តេច អគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងជា អនុប្រធាន គណបក្សប្រជាជនកម្ពុជា និងគណៈប្រតិភូជាន់ខ្ពស់ រាជរដ្ឋាភិបាលកម្ពុជា អញ្ជើញធ្វើ ដំណើរ តាមយន្តហោះពិសេស របស់ព្រះរាជាណាចក្រកម្ពុជា ទៅដល់ចំណតអាកាស យានដ្ឋាន អន្តរជាតិ Sultan Hasanuddin ទីក្រុងម៉ាកាសា ខេត្តស៊ូឡាវេស៊ីខាងត្បូង សាធារណរដ្ឋ ឥណ្ឌូណេស៊ី ប្រកបដោយសុវត្តិភាព កាលពីវេលាម៉ោង ១៣ រសៀល ថ្ងៃទី១៩ឧសភា ម៉ោងនៅទីក្រុងម៉ាកាសា ត្រូវនិង ម៉ោង ១២ថ្ងៃត្រង់ ម៉ោងនៅរាជធានីភ្នំពេញ ប្រទេសកម្ពុជា ដើម្បីចូលរួម មហាសន្និបាត លើកទី២ នៃអង្គកា រអ្នកប្រជាធិបតេយ្យ និយមកណ្តាលអន្តរជាតិ អាស៊ីប៉ាស៊ីហ្វីក (CAPDI) ដែលនិងប្រារព្វ ធ្វើឡើង នៅថ្ងៃទី២០ ឧសភា។

 ប្រជាពលរដ្ឋចំនួន៤ភូមិក្នុង ឃុំគងជ័យស្រុកអូរាំងឪខេត្តកំពង់ចាម

 ត្រូវបានប្រកាសបិទផ្សាយទិន្នយន័យជាសាធារណៈ

   ថ្ងៃទី១៧ ខែឧសភា ឆ្នាំ២០១២ នៅឃុំគងជ័យ ស្រុកអូរាំងឪ ខេត្តកំពង់ចាម មានរៀបចំពិធី ប្រកាសបិទផ្សាយបញ្ជី ឈ្មោះជាសាធារណៈ ជូនប្រជា ពលរដ្ឋ ចំនួន៤ភូមិក្រោមវត្តមាន លោក រស់ សាខន អភិបាលស្រុកអូរាំងឪ ខេត្តកំពង់ចាម និង លោកបណ្ឌិត មៀច សំអែល តំណាងម្ចាស់ ជំនួយ ប្រទេសហ្វាំងឡង់ ។

    តាមរបាយការណ៍លោក របស់ យិន គឹមលី ប្រធានគ្រប់គ្រងការងារ តំបន់វិនិច្ឆ័យ បានគូសបញ្ជាក់ថា សកម្មភាពអនុវត្ត របស់ក្រុមការងារ បច្ចេកទេស  បានធ្វើការវាស់វែងការងារចុះបញ្ជីដីធ្លី ដែលមានលក្ខណៈជាប្រព័ន្ធ ជូនប្រជាពលរដ្ឋ នៅក្នុងស្រុកអូរាំងឪ ខេត្តកំពង់ចាម ចាប់ពី ថ្ងៃទី២៧ ខែតុលា ឆ្នាំ២០០៩ មកហើយ  ដល់ពេលនេះ ជាលទ្ធផលបញ្ចូលទិន្និន័យ គូរក្នុងកុំព្យូទ័រ បានចំនួន ៦៤.១០៧ ក្បាលដី ក្បាលដីដែលបាន បិទផ្សាយជាសា ធារណៈចប់ បានចំនួន ៥៣.០២២ ក្បាលដី ក្បាលដីដែលបានចែកប័ណ្ឋ រួចមានចំនួន ៥០៥៥២ ក្បាលដី។ ដោយឡែកនៅថ្ងៃទី១៧ ខែ ឧសភា ឆ្នាំ២០១៣ នេះ បានប្រកាសបិទផ្សាយទិន្នន័យជាសាធារណៈជូនដល់ បងប្អូនប្រជាពលរដ្ឋចំនួន៤ភូមិ នៅក្នុងឃុំ គងជ័យ ស្រុកអូរាំងឪ ខេត្តកំពង់ចាម ដែលមានក្បាលដីសរុបចំនួន ២.០១២ក្បាលដី ក្នុងនោះភូមិអូរដំរាយ មានចំនួនសរុប ៤៩២ក្បាលដី ភូមិទួលត្រាច មានចំនួនសរុប ៧៦៩ ក្បាលដី ភូមិចង្វា មានចំនួនសរុប ២៨៤ ក្បាលដី និងភូមិអរពពូល មានចំនួនសរុប ៤៦៧ក្បាលដី។